Vauste nun presenta a tiempu un plan de viabilidá pa la empresa

  • 19 Agostu, 2020

Los emplegaos entamaron darréu les movilizaciones pa reclamar un plan de futuru que yos asegure’l caltenimientu’l so puestu de trabayu

El 17 d’Agostu yera la fecha másima que tinía l’alministrador concursal pa presentar un plan de viabilidá pa Vauste. Trescurríu el plazu llegal de dos meses, a díi d’ayeri el Comité d’Empresa nun recibiere dala comunicación al respeutu. La fuerte incertidume sobre’l futuru de la empresa vióse agraváu cola rotura, el pasáu 5 d’Agostu, del contratu de soministru que Vauste tinía con Tenecco. El fondu d’inversión DSA –propietariu de Vauste de magar la so compra a Quantum Capital Partners en 2019, afirma que la planta «tien futuru y viabilidá», pero nun presenta un proyeutu concretu qu’avale esa información.

Los trabayaores de Vauste, que ya albidraben que daqué asina podría pasar teniendo en cuenta los antecedentes, nun entardaron nin un díi en tomar midíes y la mesma nueche que finaba’l plazu entamaron los sos actos revindicativos; en concreto, prendieron una barricada na carretera d’acesu a la RTPA, reclamando l’atención d’esta entidá sobro’l conflictu. Nel alrodiu apaecieron tamién dellos pasquinos con información del conflictu llaboral.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies