Concentración antimonárquica en Xixón

  • 17 Agostu, 2020

Alrodiu de 20 organizaciones soberanistes y antimonárquiques, apautaes col llema #AsturiesNunTienRei”, convoquen una concentración esti xueves, 20 d’agostu, a les 19’30 h na Plaza Estación del Norte, en Xixón

La visita de la Familia Rial el mes pasáu foi el puntu de partía d’estos coleutivos p’apautase y dar una rempuesta xunitaria qu’espeyare’l refugu de los asturianos y asturianes a la monarquía y tolo qu’ella representa.  Ya dende l’entamu dexaren claro que’l so envís nun yera acomuñar pa una aición puntual, sinón trabayar xuntos nel sen de dar una rempuesta popular a un sistéma políticu que consideren obsoletu y corruptu, amás d’heriederu direutu del réxime franquista, polo que nun representa a los asturianos. Nos recientes conceyos, a los qu’acudieron representantes d’alrodiu 20 organizaciones -amás de delles presones a títulu personal- decidióse entamar con una riestra d’actividaes revindicatives nes que se pedirá la desapaición de la monarquía española y la creación “d’un sistema políticu social, xustu y democráticu, onde la ciudadanía pueda decidir con llibertá”.

Tres de la quema de semeyes que tuvo llugar el 30 Xunetu demientres la visita de los reis a Xixón y la posterior desinfeición de los llugares visitaos por estos, esti xueves 20 convoquen una concentración na Plaza Estación del Norte (al par del Muséu del Ferrocarril), onde entama la cai que, por poco tiempu, lleva el nome del rei eméritu d’España, l’Avenida Juan Carlos I.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies