Detectáu un virtíu de combustible n’El Muelle de Xixón

  • 14 Agostu, 2020

La Coordinadora Ecoloxista d’Asturies denunció a la Conseyería Alministración Autonómica, Mediu Ambiente y Cambéu Climáticu y al Conceyu de Xixón un nuevu arramáu producíu nel muelle esportivu que’l so fuerte golor a combustible sollertó les persones que transitaben pela so vera

El mesmu ye d’asemeyaes carauterístiques qu’otru arramáu  detectáu esta selmana nel puertu de Llanes, qu’obligo a presllar 3 sableres pol impautu de les sustances oleaxinoses, que xeneraron molesties y picores a los bañistas. Nesi casu l’arramáu paez producise por mor de la carga de combustible o igua d’una embarcación, entá ensin identificar.

Esti nuevu arramáu de Xixón, del que tampoco pudiéron comprobase entá los responsables, sumase a la llista interminable d’episodios contaminantes qu’acaben nos puertos asturianos, con demasiada frecuencia, cola permisividá de les autoridaes competentes, que se reconocen incapaces d’identificar a los responsables.

Anque se trata siempres d’arramaos relativamente pequenos, la dispersión d’estos pol efeutu de les foles y les corrientes, multiplica la superficie afeutada, polo qu’el so dañu sobro la vida marina ye importante, motivu pol que dende la CEA vienen pidiendo al Gobiernu de Asturies que s’estremen los pricuros nes cargues de combustibles nos puertos y los llabores de caltenimientu de les embarcaciones.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies