Dos díes lloviendo y reaparecen na costa xixonesa les manches marrones xeneraes por virtíos d’agües residuales

Tres de la seca de bona parte’l branu, les fuertes lluvies del martes y miércoles prevocaron na tardi d’ayeri l’apaición d’una emportante mancha fedorienta procedente de los alliviaderos del ríu Piles, nos que se rexistraron pente les 4 y les 6 de la tardi dellos “virtíos intermitentes”, llegando al altor de la escalera doce y forciando’l preslle al bañu d’esa parte de la sablera San Llorienzu por nun tar les agües aptes pal bañu, dexándose llibre l’acesu  nes restantes escaleres.

El Protocolu d’Agües de Bañu puestu en marcha ayeri pol Conceyu Xixón caltúvose activáu dica esta mañana, ya que nun se descartaba la posibilidá de que la bandera encarná s’estendiere a más zones de la sablera, pero aparentemente les corrientes arrastraron los desfechos llonxe de la costa ya’l Sirviciu de Mediu Ambiente decidió reabrir al bañu les escaleres pente la doce ya’l Piles.

Redaición InfoAsturies

This work is licensed under a Creative Commons Attribution 4.0 International License.