San Llorienzu fala asturiano

  • 11 Agostu, 2020

La megafonía de la sablera San Llorienzu da la so información n’asturianu

Esti branu les anuncies a los bañistes que la megafonía de la sablera da regularmente, informando de la hora, temperatura l’agua, collor de la bandera y hora estimao de pleamar y baxamar, pue sentise n’asturianu. La de Xixón nun ye la primer sablera que lo fae, l’añu pasáu Rodiles (Villaviciosa) tamién usaba la nuesa llingua pa dar les sos informaciones a los sos visitantes.

Pesi a nun ser más qu’un piqueñu detalle, la midía resulta normalizadora asgaya, tantu pente los asturianos comu cara a los munchos turistes que paseen p’El Muro, polo qu’Iniciativa pol Asturiano, impulsora de la idega, felicita al Conceyu de Xixón pol avance.

Sicasí, nun dexa de ser representativo de la situación que carez l’asturianu el fechu de que mos resulte un pasu alantre daqué tan cenciello como unes frases de megafonía o unos segundos nun discursu que tendría de ser dafechu nesa llingua.

Redaición InfoAsturies

👉🏻 Yá puedes sentir les anuncies sobre les playes n’asturianu gracies al trabayu d’Iniciativa pol Asturianu.👉🏻 Treslladamos al conceyu de Xixón la norabona pol usu normal del asturianu na megafonía. Esti xestu aporta normalidá y nun xenera gastu nengún a l’alministración.🔵 Si quies echar un gabitu pa que podamos siguir trabayando en dar pasos alantre como esti, asóciate agora dende 20 euros al añu. 📲https://iniciativapolasturianu.org/faite-sociu/

Publiée par Iniciativa pol Asturianu sur Samedi 8 août 2020

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies