El frangüesu ye considerada una de las aves más menaciaes d’Europa, catalogada comu especie’n pelligru d’estinción depués de que, demientres los años 40 y 70 l’Estáu español pagara por matar estes aves, llevándoles a la so desapaición de les nueses montañes

“Bienvenida” ye fema -sabémoslo gracies a los anális d’ADN fechos a partir d’unes plumes-, ñació en Marzu y ye la primer pitina de frangüesu que ñaz nos Picos d’Europa en tres cuartos de sieglu. La especie foi desaniciada del país pola aición del ser humanu y namás ocasionalmente podía vese dalgún exemplar veníu de los Pirineos de xemes en cuando. D’elli vino precisamente pola so cuenta “Casanova”, nome que-y punxeron al so pa la Fundación pa la Conservación del Frangüesu, los mesmos que traxeron a la so ma, Deva, y la curiaron pa ser reintroducía na fastera. Los dos conociéronse na Seronda l’añu pasáu ya’l Xineru tuvo llugar la puesta de la que ñacería Bienvenida, la primer pitina d’esta especie concebía, ñacía y criá en llibertá y qu’estos díis entama a salir del ñeru pa los sos primeros vuelos.

Cola incorporación d’esta familia al Parque Natural de Picos medra la cantidá d’especies protexies nel mesmu y recupérase daqué de lo perdío na biodiversidá asturiana por aciu humanu. La Fundación confía nel espoxigue d’esta frangüesu y espera que cuando llegue l’intre empareye con otru ave de la so especie (aportáu de lluenxe o criáu a costafecha pa ello) y s’afite la presencia d’ellos nel cordal.

Redaición InfoAsturies