La dependencia endémica que la economía asturiana tien pa col turismu ya’l seutor hosteleru pasa factura en feches de crisis y la reactivación de la economía lligao a esti seutor tan vulnerable ye llento y precario

Los datos d’afiliación y paru amuesen una cierta recuperación del emplegu respeuto al mes pasáu, gracies a la progresiva reactivación de l’actividá ya influyío por factores estacionales y la reincorporación de trabayaores dende los ERTES. Xunetu preslló con  77.633 parados rexistraos nes oficines del Serviciu Públicu d’Emplegu asturianes, ello ye,  3.357 persones menos que’l mes anterior (-4,1%), pero al mesmu tiempu con 12.267 emplegos menos que nes mesmes feches del 2019, cifres qu’impliquen un xorrecimientu del paru del +18’77% .   Amás, ye emportante remembrar que bona parte de los cotizantes siguen n’ERTE.

El parón prevocáu pola espansión del coronavirus forció al preslle o a la redución de plantiya a empreses asgaya, arramplando tamién con abondos trabayos autónomos.  Sicasí, nos caberos 5 meses Asturies sumó 4.693 paraos más, lo que paez señalar que la tendencia a la perda d’emplegu ye previa al confinamientu, con más de 7.000 puestos desaniciaos con anterioridá al mesmu.

This work is licensed under a Creative Commons Attribution 4.0 International License.