• Portada
  • >
  • Asturies
  • >
  • Conceyu pa entamar más movilizaciones repúblicanes n’Asturies

Conceyu pa entamar más movilizaciones repúblicanes n’Asturies

  • 5 Agostu, 2020

Esti xueves 6 d’agostu siete organizaciones convoquen a un conceyu abiertu nel qu’encadarmar la rempuesta colleutiva ente la monarquía española

Les organizaciones Andecha Astur, Anticapitalistes Asturies, Bloque Críticu, Comité pola Amnistía, Corriente Sindical d’Izquierdes, Darréu y Federación Asturiana Memoria y República, xunto con abondes presones que participen a títulu personal, coordinaren la pasada selmana los sos esfuercios pa dar una rempuesta popular a la visita de los Borbones a Asturies.

Esa rempuesta, pa la qu’hebio escasu marxen de tiempu y dificultaes xeneraes pol secretismu col que se desendolcó tola visita, consistió na quema coleutiva d’imaxenes de los monarques nel Náuticu al tiempu qu’ellos visitaben l’Atalaya y na posterior desinfeición simbólica de dalgunos de los llugares visitaos polos reis d’España.

Sicasí, dende l’entamu tuvieron nidio que la refuga a la istitución de la monarquía y tolo qu’ella representa nun yera un fechu puntual, sinón qu’estos actos marcaben l’aniciu d’una campaña d’aiciones conxuntes de rempuesta popular colleutiva “énte la monarquía española y el réxime que prime a la clas trabayaora”.

Esti xueves 6 d’agostu, a les 20 h., na Casa’l Pueblu de Xixón (CNT), nel edificiu de la Casa Sindical, convoquen a toles organizaciones y persones de sentir republicanu p’aconceyar y preparar les vinientes aiciones nesta campaña, insistiendo na importancia de trabayar en comuña y dar una rempuesta conxunta nesti intre en que la corrución de la monarquía española rescampla con especial fuercia.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies