Nun ye nada personal

  • 28 Xunetu, 2020

  El problema nun ye quien ye’l rei. El problema ye que ye rei

 

Del Facebook de Koldo Campos Sagaseta


Yeme indiferente que l’eméritu rei matara al so hermanu, pasara perriba’l so pa camín del tronu, y acabara siendo puestu n’evidencia pol so fíu n’una borbónica trinidá de cuya fediondez paso por prescrición mélica, y porque’l problema nun ye que’l rei seya un villanu o nun lo seya, el problema ye que ye’l rei.
Y yeme indiferente si ye’l primeru o’l décimu; si se llama Fernando, Manolo o Valeriano, porque’l problema sigue siendo que ye’l rei. Asina fuera un exemplar maríu y un amorosiegu pa, un home trabayador y honestu, virtuosu cristianu, persona recatá y sobria, bien sobria, d’incontables habilidaes y talentos; asina fuera un feminista declaráu y un rei comprometíu col mediu ambiente, incluyendo los osos y los elefantes, el problema siguiría siendo que ye’l rei o, lo que ye lo mesmo, la monarquía. Y nun hai forma d’encaxar la monarquía nel calendariu del sieglu XXI que nun sía como disfraz d’antroxu o corona navidiega.
Yo nun quiero ser súbditu d’un espermatozoide, por más azul que seya, convertíu en Xefe del Estáu y símbolu de la sacra unidá de la patria, d’inviolable impuesta autoridá. Yo nun quiero reis, nin prínceses, nin infantes, nin nobles de trubiecu, nin cuentos de fades, nin tronos de mugre.

Conformome con daqué más común y menos grotescu.
Presu politikoak aske. (llibertá presos políticos)

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies