Sanción de 10.000 a Arcelor Mittal por vulnerar el drechu a la fuelga nel 8M

  • 27 Xunetu, 2020
La sentencia del TSXA conderga a pagar a la CSI 10.000 en conceutu de dañu moral pola asignación illegal de servicios mínimos demientres la fuelga feminista del 8 Marzu

El pasáu 8 de Marzu la Corriente Sindical d’Izquierda convocó, en solitario, a la fuelga feminista. Los servicios mínimos impuestos pola direición de la siderúrxica foron consideraos pol sindicatu escesivos, polo que presentaron denuncia ante’l Tribunal Superior de Xusticia d’Asturies.

La reciente sentencia de la Sala Social del TSXA dayos agora la razón y conderga a la multinacional ArcelorMittal al pagu de 10.000 euros más intereses en conceutu de dañu moral, por albidrar que vulneró’l drechu a la fuelga  al asignar de manera illegal los servicios mínimos de seguridá y caltenimientu na cobertura de los puestos de trabayos que se sumaron al paru, ya que de fechu los mesmos anularon dafechu l’efeutu de la fuelga, desendolcándose la xornada llaboral con normalidá.

Arcelormittal sustituyó a los fuelguistes con personal de la propia empresa d’otros puestos, con trabayaores d’una socontrata ya incluso  con personal contratao el díe anterior comu «contratos d’interinidá», llegando en dalgunos casos a trabayase perriba de la ocupación avezada.

 

Llucía F. Marqués

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies