De los numberosos vertideros clandestinos qu’hai en Asturies, munchos d’ellos presenten un eleváu riesgu de quema, suponiendo amás una fonte de contaminación del sosuelu y de les agües polos llixiviaos que se xeneren

Arriendes de la denuncia formulada pola Coordinadora Ecoloxista d’Asturies, la Fiscalía de Mediu Ambiente abrió dilixencies d’investigación pal esclarecimientu del orixe illegal d’un vertideru nes proximidaes de la localidá de Venero nel conceyu de Les Regueres, lo que podría dar llugar a responsabilidaes penales por omisión del deber d’evitar el delitu de quema forestal.

Cuidao que la xestión de les borrafes ye una competencia municipal, ye’l Conceyu de Regueres el responsable del incumplimientu del marcu llegal que-y obliga al control del referíu vertíu, nun realizando la obligada retirada de la basoria y derivación de la mesma a un xestor autorizáu;nin siquier decretaren la clausura del mesmu, lo que podría dar llugar a responsabilidaes penales por omisión del deber d’evitar el delitu de quema forestal.

La CEA exije que se proceda ensin demoranza a la correspondiente llimpieza y señalización contra los arramaos illegales, cola posterior sanción a los responsables de los mesmos, una y bones los vertideros son en sí mesmos xeneradores d’evidentes riesgos y focos de peligru.

Redaición InfoAsturies

This work is licensed under a Creative Commons Attribution 4.0 International License.