• Portada
  • >
  • Sociedá/Llaboral
  • >
  • L’Asamblea de Trabayadores de Duro Felguera acusen a CCOO INDUSTRIA y los delegaos de CCOO del COMITÉ DE DFSA de posicionase a favor de la direutiva

L’Asamblea de Trabayadores de Duro Felguera acusen a CCOO INDUSTRIA y los delegaos de CCOO del COMITÉ DE DFSA de posicionase a favor de la direutiva

  • 17 Xunetu, 2020

Recalquen la desemeyanza de tratu pente dos situaciones asemeyaes cuando la víctima ye una emplegada revindicativa o cuando ye un altu direutivu

Va dos años Susana Fernández, emplegada de Duro Felguera  y  vocer de la so Asamblea de Trabayadores, fue inxustamente despedíaa, inventándose -como dictó el TSXA- una historia pa ello.

Nel procesu requisóse-y el so ordenador personal con datos sindicales, no que los trabayaores consideren un ataque a la so privacidá. Munches movilizaciones y un xuiciu dempués Susana foi realmitida. En degún momentu recibió el apoyu de los CCOO nin del comité d’empresa.

La situación contrasta cola actual, cuando delles persones del comité de direición, corresponsables de la difícil situación na que se ve la empresa, se vieron nuna situación asemeyada, el requisamientu de los sos ordenadores por parte’l Conseyeru Delegáu “por falta de confianza”, acción que culmina col despidu de dos d’ellos. Ante estos fechos la reación de CCOO Industria ya’l comité de DFSA ye bien distinta a la que tuvieron nel casu de Susana: mails de protesta, comunicaos agresivos y menacia de movilizaciones pa defender a los sos direutivos.

Dende l’Asamblea de trabayadores afirmen nun comprender esta diferencia de trati ante situaciones asemeyaes “Ye tan penoso ver cómo nun apoyaron nin CCOO nin los “compañeros” del comité nin una sola de les aiciones pa defender a Susana, ye más, ficieron tolo posible pa fundila. Y agora salen como perrinos a defender a los direutivos que dende los sos xalés na Sierra de Madrí deciden el destín de la empresa. ¿Qué yos deben a estos señores?”

Redaición InfoAsturies

 

Redaición InfoAsturies

 


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies