• Portada
  • >
  • Mundiu
  • >
  • Les elleiciones vasques y gallegues confirmen la tendencia de los pueblos a decidir el so futuru

Les elleiciones vasques y gallegues confirmen la tendencia de los pueblos a decidir el so futuru

  • 15 Xullo, 2020

Andecha Astur felicita a EH Bildu y BNG, partios de los que son compañeros na coallición d’Agora Repúbliques, polos sos perbonos resultaos elleutorales y, en xeneral a los pueblos de Galicia y Euskal Herria pol compromisu amosáu en defender el drechu a decidir el so futuru

Les caberes elleiciones espeyaron la decisión de vascos y gallegos d’afitar el so futuru n’opciones allonxaes del centralismu españolista y cientraes na  gueta de soluciones dende dientro. Les espeutatives de votu pa les prósimes elleiciones catalanes refuercien esti apueste de los pueblos del estáu español por ser ellos los que diseñen el so futuru.

Pa A.A. l’afitamientu de la tendencia a xorrecer en representatividá nos parllamentos de los partíos nacionaliegos ye motivu d’esperanza pal futuru d’Asturies. “Les soluciones pa la nuesa patria quería nin tán nin vienen de Madrid. Les soluciones valibles pa los nuesos problemes van ser aquelles qu’equí faigamos a comuña toles asturianes y asturianos. Tenemos de reconocemos comu país, tenemos de defender el nuesu drechu a escoyer equí los oxetivos y les soluciones que necesita Asturies. Ési ye’l camín nel que dende siempres trabayen les muyeres y homes d’Andecha Astur, col enfotu permanente de defender Asturies pa que siga siendo la tierra na que les asturianes y asturianos puedan y quieran afitar los sos proyeutos de vida y llibertaes”.

Valoren tamién la dura cayía de Podemos comu una consecuencia de la so incorporación al gobiernu español, arrenunciando a les sos promeses d’una rápida revolución social y política, na que diben respetar la identidá de los pueblos sometíos pol estatalismu borbónicu que representen PSOE-PP. La evidencia de la incorporación al sistema  ya’l so sofitu al  réxime borbónicu español, escaeciendo a los pueblos que viven baxo’l so xugu, llevó de vuelta a votar a partios nacionaliegos al elleutoráu gallegu y vascu qu’en 2016 s’arriesgare a confiar el so votu al suañu del cambéu rápidu prometíu por Podemos.

Finen el so comunicáu reiterando el so ufrimientu a ” andechar con toles asturianes y asturianos que-yos pruya pa encadarmar un frente ampliudel soberanismu asturianu al rodiu de tres puntos mínimos: Superación del Estatutu d’Autonomía impuestu, reconocencia la oficialidá del asturianu y acabu de les polítiques coles que’l Reinu d’España agrede Asturies en tolos ámbetos (llaboral, mediuambiental, demográficu, identitariu, enerxéticu, presupuestariu, industrial, turísticu, comunicaciones…), puntos mínimos colos qu’esperen xuncir voluntaes y esfuercios nun frente ampliu asturianu que permita a Asturies seguir nel camín marcáu por vascos y gallegos.

Redaición InfoAsturies

 

 

 

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies