Los compañeros del gaiteru -presuntamente- asesináu esti fin de selmana piden que se faiga xusticia y despídenlu nun emotivu actu nel que les gaites foron protagonistes 

Ca vegada que mos falta un defensor de la cultura asturiana toos sentimos que rompe un filu más nesti entramáu que nos fae quien somos, y por munchos filos nuevos que s’amiesten cada rotura nun dexa de ser una llaceria.

Cuando esto ocurre de forma ñatural ye cenciellamente triesti, pero cuando mos dexa una persona comu Javier Solares d’una forma tan dura ya inxusta, el dolor y la raxón multiplíquense. Esi dolor ye’l que quixeron escenificar de dalguna manera los sos compañeros de la Banda Gaites Villaviciosa-El Gaitero al enllenar la Plaza’l Güevu coles notes de les sos gaites, na tardi d’ayeri.

La más sentía despidía que se-y pudo dar y la más averada a los sos deseyos.

This work is licensed under a Creative Commons Attribution 4.0 International License.