• Portada
  • >
  • Llingua
  • >
  • El cuentu “Dalgunes posibilidaes de la domótica”, de Jose Ángel Gayol, Primer Premiu del Concursu Cuentos Pola Oficialidá

El cuentu “Dalgunes posibilidaes de la domótica”, de Jose Ángel Gayol, Primer Premiu del Concursu Cuentos Pola Oficialidá

  • 10 Xunetu, 2020

El segundu y tercer premiu foron pa Laura Marcos Domínguez y Xuan Trenor Allen

L’escritor José Ángel Gayol (Mieres, 1977) foi’l ganador del Concursu de Cuentos pola Oficialidá del Asturianu, que convoca’l Conceyu Bimenes y qu’esti añu llegó a la so edición númberu ventitrés. El primer premiu, dotáu con 600 euros, foi pa la so obra “Dalgunes posibilidaes de la domótica”. El segundu premiu, dotáu con 450 euros, foi pal cuentu “Instintu”, de Laura Marcos Domínguez (Mieres, 1982), y Xuan Trenor Allen (Uviéu, 1981) algamó’l tercer premiu –por segundu añu consecutivu– al que se-y apurren 300 euros, con “Xigomencia”. Nesta edición, a la que se presentaren once cuentos, el xuráu tuvo compuestu polos escritores Xulio Vixil Castañón, Héctor Pérez Iglesias y Paco Álvarez González.

José Ángel Gayol collabora davezu en dellos medios como les revistes Atlántica XII, Clarín, Reloj de Arena, Paralelo Sur, Formientu, esTandoriu o’l diariu La Nueva España, ente otros. Realizó la edición y l’entamu del volumen collectivu Nuevas maneras de contar un cuento (Llibros del Pexe, 2005), y col llibru Con el velo de una sonrisa (Nobel, 2006) algamó’l Premiu Asturies Xoven de Poesía. N’asturianu tien publicao la novela Argonautes (Ámbitu, 2007), la obra de teatru Ensin noticies del fin del mundu (Premiu Asturies Xoven de Testos Teatrales, Universos, 2011) y los poemarios Los poemes del oriental (XX Premiu Elvira Castañón, Trabe, 2012), El llibru de les coses misterioses (XVIII Premiu Xuan María Acebal, Trabe, 2013), Los suaños y los díes (XVIII Premiu Fernán Coronas, Trabe, 2014) y Una selmana y otros díes (Trabe, 2015). Nel xéneru d’ensayu tien publicao Vértigu (XXI Premiu Fuertes Acevedo d’Ensayu, Trabe, 2016), Exercicios d’asturianu (Trabe, 2016) y el diariu ensayísticu En primera persona (Trabe, 2019). En 2019 volvió ganar el Premiu Fuertes Acevedo d’Ensayu col llibru El silenciu invisible (de prósima espublización).

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies