• Portada
  • >
  • Asturies
  • >
  • Campaña de llamada d’atención sol desdexamientu de l’Asturies Rural

Campaña de llamada d’atención sol desdexamientu de l’Asturies Rural

  • 8 Xullo, 2020

Andecha Astur esparde un modelu de “postal braniega” pa facer llegar a Barbón el deseyu de los asturianos de tener una fastera rural colos servicios necesarios pa vivir nella y aparar la emigración a les áries urbanes.

Con motivu del cercanu cabudañu del nomamientu de Jaime Izquierdo comu Comisionáu pal retu demográficu, añu nel que nun se xeneró dala política activa pa encariar un problema que yá entá yera urxente, Andecha Astur denuncia´l desdexamientu de l’Asturies rural, el preslle de consultorios mélicos y la falta d’internet, pente munchos otros servicios imprescindibles pa garantizar un nivel de vida afayaizu pa quedase a vivir nos pueblos. Pa ello ufren un modelu de “postal” y afalen a tolos asturianos a unviala a les direiciones del presidente, visibles na mesma.

La organización nacionaliega acusa al PSOE de Barbón de continuar la política arecista que condergó a les “esnales” del país al nega-yos custiones básiques pa una vida caltenible y de calidá y desixe al presidente Barbón que convoque una sesión estraordinaria del Plenu la Xunta Xeneral pa presentar ellí un plan urxente d’atención sanitario y cobertura d’Internet n’Asturies rural.”Nun queda munchu tiempu y el qu’hai Barbón ta malgastándolu, amosando que nun tien soluciones pa recuperar Asturies, especialmente los territorios del ocidente y del oriente, les conocíes comu esnales del país”.

Agora mesmo, Adrián Barbón y la so Conseyería de Sanidá anecien en caltener presllá fasta’l 30 setiembre bona parte la rede de consultorios periféricos d’atención primario, especialmente nel ocidente y oriente del país, afeutando a les fasteres rurales col únicu enfotu oxetivu d’aforrar seyes meses de furrulamientu y castigando especialmente a la población de mayor edá y a la que nun tien recursos pa costease tresportes privaos fasta los centros de salú más averaos.

Reclamen tamién que se tomen midies darréu pa garantizar l’usu d’internet en tol territoriu asturianu, una erbía imprescindible güei díe  “ye una condición estratéxica básica pa posibilitar otres midíes de desenrollu económicu y estabilidá poblacional, lo mesmo que pa situaciones urxentes de salú, comu se vio nel caberu acidente nes agües del Cares o comu noten tolos díis los agricultores, ganaeros, montañeros, pescaores…”.

Finalmente, desixen que les comunicaciones seyan les que correspuenden a esti sieglu: carreteres transitables, reparación rápida d’argayos ya otres incidencies y tresportes públicos asequibles, con horarios abondos pa cubrir les necesidaes de desplazamientu de la población.

En resume, esta postal reclama pa los asturianos de l’Asturies rural los mesmos servicios y condiciones de vida coles que cuenten los “privilexaos” de la nomada “Ária Metropolitana”, un camín seguru pa recuperar y afitar población nella. Convidámosvos a espardela.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies