Más ñubes de carbón en Xixón

  • 6 Xullo, 2020
L’apaición de ñubes de carbón vinientes de los depósitos carboníferos d’El Musel ponen de manifiestu la ineficiencia ecolóxica del mal llamáu “plan de descarbonización” d’Asturies

Demientres el fin de selmana Xixón tornó a carecer un de los avezaos episodios de ñubes de povisa nos que les partícules en suspensión algamaron mesmo la Sablera San Llorienzu, siendo los barrios más averaos al Puertu, comu’l de Portuarios, los más afeutaos.
El fenómenu, que yá va repitiéndose n’abondes ocasiones, consiste nel arrastre de polvu de carbón procedente de los stocks almacenaos nel puertu del Musel, col que se ta sustituyendo’l carbón autóctono tres los preslles forzosos na minería asturiana. El puertu nun cunta coles condiciones necesaries pal so almacenamientu, lo que prevoca estes espectaculares nubes de contaminación ca vegada que sopla’l vientu, abasnando les partícules escontra la sablera y la ciudá.
Dende la Coordinadora Ecoloxista d’Asturies denuncien los efeutos perxudiciales pa los vecinos, la falta d’actuaciones pa prevenir la repetición d’estos episodios y la falta d’información sobre los resultaos de la mididora de contaminación d’El Musel, que recueye esti incrementu de partícules contaminantes, na páxina ueb del “Principado”.
Llucía F. Marqués

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies