• Portada
  • >
  • Economía
  • >
  • Medra la fienda salarial pente los que menos cobren y los que más ganen n’Asturies

Medra la fienda salarial pente los que menos cobren y los que más ganen n’Asturies

  • 3 Xunetu, 2020

Medra’l númberu de trabayaores asturianos nos dos estremos de la estadística: los 101 que más ganen y los 126.000 que menos cobren

Seique los datos recién espublizaos pola Axencia Tributaria son del añu 2018, estos confirmen unu enclín que se da dende’l 2013 y nun hai res qu’indique que los parámetros camudaren; ello ye que la última reforma fiscal benefició especialmente a los tramos d’ingresos más altos.

Pente los años 2013 y  2018 los asturianos que ganaron más de 600.000 euros a lo llargo l’exerciciu fiscal pasaron de ser 28 a ser 101, ello ye, el xorrecimientu de persones con rentes más altes foi d’un 360%, daqué qu’amás de multiplicar la fienda salarial falsia los datos de salariu mediu

Nel otru estremu y tamién xubiendo, el númberu d’asturianos que declaren menos de 6.000 euros al añu por rendimientos de trabayu (dos ceros menos que los anteriores), cifra que nel mesmu añu llegó a los 126.000 emplegaos (trés ceros más que los anteriores). Ello ye, que caúna de les 101 persones del primer grupu gana tanto como más de cien persones del segundu, nel que non solo s’inclúin los que declararen esos 6000 añales, sinón tolos que percibieron d’ende pa embaxo.

El resultáude la media pa ese me smu añu foi d’un salariu de 1.663 €, ello ye, alredor de 20.000 euros añales, un termino mediu que, bien partíu, garantizaría unos medios de vida dignos a tolos asturianos.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies