• Portada
  • >
  • Opinión
  • >
  • Trevín fae apoloxía del terrorismu d’estáu en La Nueva España

Trevín fae apoloxía del terrorismu d’estáu en La Nueva España

  • 23 Xunu, 2020

Na columna d’Opinión que l’espresidente del “Principado” Antonio Trevín escribe pal diariu La Nueva España espublizóse ayeri un articulín que pue ser facilmente interpretáu como apoloxía del terrorismu d’estáu

Baxo’l suxerente entítulu de “Manda Güevos”, Antonio Trevín dedica la so columna periodística a la trama’l GAL y la investigación de Felipe González pola so creación. Na mesma entama calificando la persecución del GAL de “lleenda prieta”, desacreditando a los grupos del congresu que vienen de solicitar l’apertura d’una comisión qu’investigue la participación de Felipe González na creación del GAL; pel camín, desacredita non solo a estos partíos y a los que sofiten la investigación, sinon a numberosos medios de comunicación ya incluso a la CIA.

Darréu, pasa direutamente a la xustificación de los Grupos Antiterroristes de Liberación “Que sucedieron a la Triple A y al Batallón Vasco Español”, dexando entever que son pocu menos qu’heroes de la patria y comparándolos con fechos asemeyaos -y d’asemeyada gravedá- acaecios n’estremaos países europeos. Cúrase entós en salú, calificando nuna sola llinia de “execrables” a los crímenes d’estáu, pa continuar con un ampliu panexíricu emponderando la encomiable llabor del gobiernu de Felipe González, calificando los delitos de los Gal, si non comu necesarios, polo menos beneficiosos y disculpables  y dando a entender que la conderga a los sos ministros non solo foi innecesaria ya inmerecida, sinon que paralizó l’avance d’España hacia la modernidá.

En resume, el testu pon en duda non solo la necesidá de pidir responsabilidaes a Felipe González -cuya responsabilidá nos GAL nun pon en tela de xuiciu en dengún momentu-, sinón que da la so aprebación a los asesinatos cometios en nome del estáu.

Ye comprensible, per otru lláu, l’esmolecimientu del es-presidente pola pidía de responsabilidaes a un presidente polo ocurrío demientres el so mandatu, teniendo en cuenta que los sos bonos collacios, Jose Luis Iglesias Riopedre y Maria Jesús Otero cumplen conderga en prisión demientres elli sigue na cai.

Llucía F. Marqués


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies