Fuelga nel Lidl

  • 4 Xunu, 2020

Francíes les negociaciones, los trabayaores de la cadena de supermercaos Lidl van a la fuelga güei. Los sindicatos acusen a la empresa de nun cumplir l’alcuerdu robláu al entamu l’estáu d’alarma

Los emplegaos de la cadena reclamen el cumplimientu del compromisu de la empresa de pagayos al 150% les hores estres realizaes demientres l’andanciu, como reconocimientu al so sobreesfuerciu, l’aumentu de les hores de contratu pa equilibrar la carga de trabayu, l’aplicación d’un protocolu pa la venta de productos testiles o la condonación de les hores negatives prevocaes pola empresa. Denuncien que demientres la empresa dobló les sos ventes en munchos puntos de venta, los cambios d’horarios impuestos a los trabayaores faen imposible la conciliación familiar. Tamién aseguren que les normes de seguridá que la mesma empresa anuncia son imposibles de cumplir el la práutica, comu la obligación de vender tolos productos embalaos pero la receición en tienda de productos ensin embalaxe, o’l ratiu d’afluencia, incumpliu poles mesmes órdenes de la empresa pa facer pasar a la xente y “eliminar la mala imaxen de les coles nel esterior”.

El procedimientu de mediación del pasáu 29 de Mayu nun valió p’algamar alcuerdos, ya que la empresa niégase a abordar fasta les cuestiones más básiques, polo que los trabayaores decidieron exercer el so drechu a fuelga comu midía de presión.

Destaquen tamién la discriminación que supón l’alcuerdu esclusivu firmáu pola empresa col sindicatu nacionaliegu vascu, ELA, l’únicu que foi quien a facer que Lidl aceutare les reclamaciones de los sos emplegaos.

Llucía F. Marqués


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies