• Portada
  • >
  • Mocedá y reciella
  • >
  • Declaraciones de Diego Solís, presidente d’Iniciativa pol Asturianu pol caltenimientu de los premios CulturaAquí  

Declaraciones de Diego Solís, presidente d’Iniciativa pol Asturianu pol caltenimientu de los premios CulturaAquí  

  • 28 Mayu, 2020

Pa l’asociación está convocatoria, la única empobiná a xente mozo con dotación económica, da puxu a la creación lliteraria moza n’asturianu

Iniciativa polAsturianu cellebra’l caltenimientu de la convocatoria de los premios CulturAquí. Diego Solís, representante d’Iniciativa pol Asturianu, fizo unes declaraciones pa cellebrar en nome de la organización el caltenimientu de la convocatoria.

El representante de la organización comentó que “dende Iniciativa polAsturianu queremos facer llegar la nuesa felicitación pol fechu de la rectificación na convocatoria de los premios CulturaAquí. Estos premios son una manera de dar visibilidá a les y los escritores mozos n’asturianu”.

L’escritor, que foi ganador de la edición del añu 2018 del premiu, añadió que “esti ye l’únicu premiu n’asturianu pa la xente mozo que tien dotación económica”.

Solís apuntó que “munches vegaes alcontramos convocatories de premios lliterarios onde l’asturianu nun ta presente o nun s’almiten obres en llingua asturiana. Nesti casu ye un premiu afitáu y que da puxu a la creación lliteraria moza n’asturianu”.

«Culturaquí» ye un programa organizáu y convocáu añalmente pa dar puxu a la mocedá con talentu artísticu. Ensierta estremaes aiciones culturales y artístiques empobinaes a mozos y moces asturianos o descendientes d’asturianos de fasta 35 años, incluyendo la espublización y espardimientu de la so obra tanto n’Asturies comu fuera les sos llendes. En concreto Solis fae referencia a los premios “Asturies Moza de Poesía, Narrativa y Testos Teatrales”, dotáu con premios de mil euros pa ca modalidá.

Redaición InfoAsturies

 

 

 

 

 

 

 

 

 

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies