La Xunión Europea vien de llanzar un estudiu d’evaluación de los estándares de comercialización na actual regulación de la Organización Común de Mercáu col envís de desaminar les posibles ventaxes venceyaes al afitamientud’una definición armonizao de la sidre a nivel de la Xunión Europea.

Esta evaluación valorará la “efeutividá, eficiencia, rellevancia, consistencia y valor agregáu européu de los estándares de comercialización afitaos pol Reglamentu (XE) nb. 1308/2013 pola llexislación secundaria de la OCM y poles Direutives d’Almuerzu, de tala miente que permita que’l mercáu se suministre fácilmente con productos de calidá estandarizada y satisfactoria, refiriéndose a definiciones téuniques, clasificación, presentación, marcáu y  etiquetáu, embalaxe, métodu de produición, conservación, almacenamientu, tresporte, documentos alministrativos rellacionaos, certificación y pazos, restriciones d’usu y eliminación”.

La emportancia d’esta primer vegada que la XE entra a valorar la situación de la sidre radica nel fin de la situación de discriminación na que la falta de normativa común caltien a la sidre en comparanza con otres bébores comu’l vinu. L’esclariamientu de conceutos pondría al algame de los productores recursos económicos, aídes y sovenciones que fasta agora tan reservaos a otros productos. La importancia de la sidre nel texíu socioeconómicu asturianu fae preciso la presencia activa d’Asturies nesti procesu, polo que sedría deseyable que tantu’l “Principado” como los eurodiputaos asturianos ten sollertes ya intervinieren pa consiguir avanzar nesti campu.

Redaición InfoAsturies