• Portada
  • >
  • Sociedá/Llaboral
  • >
  • La situación d’EBHI aporta al Congresu de la man d’Andecha Astur y la coallición Agora Repúbliques

La situación d’EBHI aporta al Congresu de la man d’Andecha Astur y la coallición Agora Repúbliques

  • 27 Mayu, 2020

El parlamentariu d’EH Bildu, Oskar Matute llevó esta mañana al Congresu los Diputaos la situación de los trabayaores d’EBHI, por pidición d’Andecha Astur, de la que son compañeros de coallición  n’Agora Repúbliques

El 68’8% del acionariáu d’EBHI ta en manes del Sistema Portuariu Español, lo que xustifica que la entruga se presente direutamente ante’l gobiernu d’España, tres del silenciu por parte l’executivu asturianu. Sicasí, dengún de los partíos d’ambetu estatal qu’en teoría representen a Asturies nel Congresu aprofitó esa posibilidá pa buscar una salida al conflictu, siendo una organización con representación indireuta, comu ye’l casu d’Andecha Astur que ye representada polos compañeros de la coallición Agora Repúbliques, la única que reclamó soluciones ante los caberos responsables de la empresa.

 

La entruga presentada a la mesa del Congresu de los Diputaos recueye la situación de los 4 trabayaores d’EHBI en fuelga fame dende’l pasáu 13 mayu como midía de protesta contra’l dispidu de siete compañeros y desixe al Ministeriu de Tresportes, Movilidá y Axenda Urbana que desplique, por escrito, les midies que cuenta tomar pa torgar que la empresa, que vien d’aplicar unillaterlamente un ERTE y d’incumplir los alcuerdos tomaos nel SASEC, dispida amás a los sos emplegaos.

 

Na so intervención nel Congresu español Oskar Matute tamién faló d’esti conflictu, pidiendo al gobiernu del reinu d’España la so intervención.

Entantu, el sofitu ciudadanu pa con estos trabayaores espéyase na abondosa asistencia a los “paseos solidarios” diarios, les concentraciones, desfiles en coche y barricaes. Esti xueves a les 10 el comité d’empresa aconceya empresa nel SASEC. Demientres el conceyu los trabayaores cunten col sofitu d’una concentración  frente a les oficines d’esti serviciu, na cai Santa Susana 10 d’Uviéu.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies