Coles de la fame n’Uviéu

  • 26 Mayu, 2020

Les organizaciones sociales que trabayen n’Uviéu con presones necesitaes d’aida llancen un mensaxe de socorro: nun son quien a cubrir la descomanada demanda de los cientos de families uvieines que nun tienen comu satisfacer les sos necesidaes básiques d’allimentación y vivienda

Cumplíos dos meses dende la declaración del estáu d’alarma, les organizaciones sociales d’Uviéu constaten sobro’l terrén la dimensión real del brutal impautu de la crisis sanitaria ya’l parón de l’actividá económica que ta condergando a cientos de families a la esclusión social más severa. De la nueche al día estos llares atopáronse privaos de los sos precarios emplegos y escarecen de los ingresos mínimos pa satisfaer les sos necesidaes básiques d’alimentación y vivienda. Pa los que yá s’atopaben en situación de vulnerabilidá anantes del españíu del andanciu l’impautu ye entá más grave. Les coles de la fame formaes por decenes de persones énte la puerta de la Cocina Económica asina lo demuestren.”

” La rempuesta de les istituciones énte esti desastre socio-sanitariu fasta’l momentu ta siendo llentes ya insuficientes. Les aides d’emerxencia social del Conceyu d’Uviéu foron suspendíes y sustituyíes pola aida d’alimentación Uviéu Contigo, con una dotación escaso pa la que les dos mil solicitúes atropen un retrasu de más d’un mes. La dotación económico de les aides al pagu del arriendu del “Principado”, un millón d’euros, malpenes va algamar pa 400 de les 110.000 families qu’anantes del COVID-19 s’atopaben n’Asturies en riesgu d’esclusión habitacional[i], y esclúin amás a les persones inmigrantes que s’atopen en procesu de regularización de la so residencia nel país. Les organizaciones que trabayen na esclusión residencial más severa denuncien un espoxigue de les persones ensin techu, que fueron espulsaes de ls sos agospiamientos precarios o de los sos infraviviendas y duermen na cai. Son los denominaeos desfiucios invisibles, cuidao que al nun disponer de contratu d’arriendu y atopase en situación d’indefensión frente a los sos caseros nun pueden acoyese nin a les aides nin a la suspensión de los desagospios decretada pol Gobiernu d’España.”

Namás gracies a les organizaciones sociales y les redes ciudadanes de solidaridá que surdieron bonalmente y s’espardieron per tola ciudá pudieron munches families uvieines poner siquier un platu de comida caliente nes sos meses o aguantar un mes más nes sos habitaciones realquilaes. Y ello pesi a qu’estos coleutivos, que trabayen a cuerpu de cai y conocen de primer man les necesidaes, fueron fechos de menos y escluyíos pol Conceyu d’Uviéu, que se niega a reconocer la situación de probitú na qu’esta crisis sanitaria ta dexando a numberosos habitantes del conceyu. Son los órganos llocales los que tienen de poner en marcha les midíes d’aida a estos seutores de la población,  trátase de situaciones que nun ye posible regulalr col BOE nin el BOPA, hai qu’atendeles dende la cercanía y col mínimu de burocracies.”

Mientres llega la recuperación económica –que se preve llenta- y torna a xenerase emplegu, organizaciones acomuñaes na Rede Uviéu Caltenible desixen al Conceyu y el Principado que destinen con urxencia los recursos financieros y humanos necesarios pa garantizar darréu los drechos sociales básicos de les families uvieines afectaes pola crisis del COVID-19 y que nun pueden esperar más, reencadarmando les aides d’emerxencia, entainando y simplificando los trámites alministrativos, amontando’l presupuestu destináu a prestaciones sociales, facilitando l’accesu a productos d’alimentación de prosimidá p’activar l’agricultura de la nuesa redolada rural, y recuperando edificios públicos abandonaos p’agospiar a persones ensin techu y llares que nun pueden aportar a una vivienda d’arriendu; a última hora, garantizando qu’eses families nun van quedar se atrás. Y demandamos tamién que se nos dexe participar nos procesos de toma de decisiones y nes aiciones concretes d’aida a la población, pa poder aprofitar asina la so conocencia acumulada d’años trabayando a cuerpu de cai polos drechos de les persones vulnerables. Superar esta crisis va riquir l’esfuerzu de toos, poro faen un llamamientu al trabayu xunitario y coordinao de tolos actores sociales y políticos que faiga posible una salida solidario pa construyir xuntos un Uviéu más resiliente y caltenible qu’anantes de la pandemia.”

[i] Fonte: Caritas Española, Fundación Fomento d’Estudios Sociales y de Socioloxía Aplicada (FOESSA), Informe sobro esclusión y desendolcu social n’Asturies, 2018.

Suscriben esta nota les siguientes organizaciones sociales:

Asociación Vecinal Uviéu Reondu Plataforma SOS
Vieyu Hospital
Nuevu Ventanielles Asociación Vecinal
Madres pol Clima Imaxina un
Bulevar
Ecoloxistes n’Aición
Plataforma pola Salú y Sanidá Pública d’Asturies
Asociación Luar
PAH Uviéu AMPA
CEIP San Pedro de los Arcos
A. VV. Les Campes
Asturies Acueye

La Carbayona Proyectos ya Iniciatives Sociales
Muyeres Pachamama

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies