Andecha Astur acusa a EBHI de terrorismu empresarial

  • 21 Maio, 2020

L’actitú de la empresa, que torgó ayeri la entrada a los mélicos y enfermeres que diben revisar l’estáu de salú de los fuelguistes, que los controla policialmente mediante drones y que los fuercia  a reincorporase al tayu pa facer trabayos inapropiaos y d’altu riesgu na so situación ye calificada por Andecha Astur comu “terrorismu empresarial ya empresarial

El díe 19 de Mayu el “Principado” llavábase les manes, retrucando per escrito a la solicitú d’intervención nel conflictu que los trabayaores pidíen desviándolos al SASEC, mesmo sabiendo que la empresa ta vulnerando los alcuerdos roblaos nel mesmu SASEC.

Ayeri, díe 20, treslladóse una entruga al respeutu a Adrián Barbón, sofitada con una concentración nel esterior de la Xunta, pero el presidente, emulando al so predecesor, nun fexo dala declaración al respeutu. “Nun pue ser que se pregunte al presidente d’Asturies por un conflictu llaboral nun plenu del Principado y nun diga absolutamente nada. Equí algo raro pasa” declaraba Fernan, un de los trabayaores en fuelga fame.

Vista la incompetencia manifiesta y la falta d’interés en defender a los trabayaores asturianos amosada pol executivu asturianu, Andecha Astur decidió treslladar al gobiernu español una entruga parllamentaria, cuyu testu se fadrá públicu nos prósimos díes.

La formación nacionaliega fexo ayeri entrega a los trabayaores de 4 exemplares del llibru “Quién escaeció a Belarmino Tomás” y una asturina, espublizando tamién  un comunicáu de sofitu nel que señalen valoren la llucha de los trbayaores polos sos drechos y la especial responsabilidá política que nesti conflictu tien el Gobiernu d’Adrián Barbón, dao qu’EBHISA tien comu acionista mayoritariu a l’Autoridá Portuaria de Xixón, qu’al tiempu depende del “Principado”. “Adrián Barbón ye, n’últimu estremu, el responsable de qu’EBHISA prevocare un conflictu llaboral con un ERTE non negociáu y cola previsión de despidir a siete trabayaores, no que nun ye más que l’enfotu de tarazar progresivamente la plantía y ameyorar la cuenta rendimientos del capital”.

Remembren tamién que’l Conseyu d’Alministración de l’Autoridá Portuaria ya tuvo implicáu nel fraude de les obres d’ampliación d’El Musel, polo que ta siendo investigada de magar la denuncia interpuesta por  Andecha Astur énte la Oficina Europea de Llucha escontra’l Fraude.

Ayeri los trabayaores agradecíen tamién el so sofitu a CALP Genova, Comité d’Empresa de ARCELORMITTAL, CSI Konecta AVILES, CSI Mecalux, CSI TSK, Comitato Lavoratori Porto di Napoli, Suatea, UGT Aluibérica y WFTU Internacional, “Gracies a toos pol vuesu sofitu compañeros. Güei, la solidaridá que recibimos de vós ye internacional y la verguenza de los que guarden silenciu dende los despachos, tamien”.

El sábadu nueche ta previsto treslladar el diariu paséu pela sablera l’Arbeyal a la Campa Torres, col envís de que los fuelguistes puedan ver dende’l so empreslle a les persones concentraes.

 

Xornada 20 Mayu

La de güei foi una xornada intensa, enllena de momentos que vamos recordar. Dacuando sonrientes….dacuando ofendíos. Cuando nel futuru paremos a pensar que significó esta llucha na EBHI, lo verdaderamente importante va ser el poder recordar que, percima de too, a la fin foi una llucha que col vuesu sofitu, ganamos. Y eso ye daqué que siempres vamos dar gracies a la xente qu'acaldía, dende dellos sectores de la sociedá, ufiértennos la so solidaridá y el so sofitu. Compañeres y compañeros. ¡¡¡GRACIES!!!La de hoy ha sido una jornada intensa, llena de momentos que recordaremos. A veces sonriendo….a veces ofendidos. Cuando en el futuro nos paremos a pensar lo que significó esta lucha en la EBHI, lo verdaderamente importante será el poder recordar que, por encima de todo, al final fue una lucha que con vuestro apoyo, ganamos. Y eso es algo por lo que siempre daremos gracias a la gente que cada día, desde varios sectores de la sociedad, nos ofrecen su solidaridad y su apoyo. Compañeras y compañeros. ¡¡¡GRACIAS!!!#EBHIdespididosnon #BarbonEBHIsolucion #EBHIenllucha

Publiée par EBHI en Llucha sur Mercredi 20 mai 2020

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies