• Portada
  • >
  • Sociedá/Llaboral
  • >
  • El dos de Mayu reabrióse’l recuentu de díes hábiles pa la presentación de reclamaciones, demandes y conciliaciones por dispidos

El dos de Mayu reabrióse’l recuentu de díes hábiles pa la presentación de reclamaciones, demandes y conciliaciones por dispidos

  • 13 Maio, 2020

La falta d’información sobro la reapertura de plazos fae pelligrar el drechu a denunciar dispidos improcedentes

El plazu pa demandar cuandu nun se ta d’alcuerdu con un dispidu ye de 20 díes hábiles dende’l mesmu, ensin cuntar fines de selmana nin festivos. Sicasí, el Real Decretu 463/2020, de 14 de Marzu, pol que se declara l’Estáu d’Alarma, regulando la Suspensión de Plazos Procesales y Alministrativos, recueye esplicitamente que “Los plazos de prescripción y caducidá de cualesquiera aiciones o drechos quedaran suspendios demientres la vixencia l’estáu d’alarma  y nel so casu de les prórrogues que s’adoutaren”. Ello foi informao a la población al traviés de la prensa, unviando un mensaxe de tranquilidá a toos aquellos que foren despidios irregularmente nesti periodu.

Sicasí, esta midía revirtióse’l pasáu dos de Mayu, ensin que la información aportare a la mayoría de los afeutaos, polo que a díe de güei el plazu pa reclamar, demandar y conciliar dispidos avanzó 8 díes. Amás, del 2 al 10 de Mayu la población alcontrábase entá na nomada “fase 0”, que dificultaba permuncho la tramitación de documentación, desplazamientos y contautos colos abogaos.

Poro, aquellos que foren dispidios o los casos nos que la empresa modificare unillateralmente les condiciones llaborales de magar l’aniciu del estáu d’alarma tienen de tramitar darréu o cuerren pelligru d’alcontrase col plazu cumplíu.

Remembramos que’n principiu ye improcedente cualisquier dispidu qu’alegue comu causa el coronavirus.

Nuria Prendes

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies