Asturies vuelve a dar un suspensu a la monarquía

  • 6 Maio, 2020

El rei suspende en toles partes del estáu nes que se fala una llingua estremada del español


Na encuesta qu’espubliza periódicamente la web independiente especializá en demoscopia, Electomanía, los asturianos apaecen siempres pente los que menor nota dan a la monarquía española, espeyando la refuga del pueblu a esta istitución medieval impuesta pol reinu d’España al restu de les naciones del estáu. La valoración más baxa de la monarquía correspuende a Guipuzcua, con un 2’1 y la nota media l’estáu ye de 4’6.
L’estudiu estrema los datos por “provincies” y los resultaos dixébrense en dos estayes bien definies. Pente les 30 qu’apreben al rei nun hai denguna con llingua propia, mientres que la cuasi totalidá de les 22 que lu suspenden fálense llingües estremaes, minorizaes munches pola presión del español. Inclúinse tamién nesti conxuntu los territorios insulares, tantu Canaries comu Balleares, que tampoco apreben a la monarquía. Toles naciones hestóriques del estáu español posiciónense claramente a la escontra.
Nun dexa de sosprender, sicasí, que tres de la riesta d’escandalos de toa triba protagonizaos pola familia real y tando prebada la so corrución presente ya hestórica, los españoles sigan dandoyos un aprebáu, seique seya raspiáu –l’unicu territoriu nel qu’algamen un “6”ye en Melilla, ensin dubia afaláu pol altu porcentaxe de militares desplazaos allí-.N’Asturies suspendemos la monarquía española con un 4’5. El 63’9% de la población asturiana, amás, quier que se convoque un referendum nel que se decida la xefatura l’estáu ente república y monarquía, posibilidá que namás se refuga en Ceuta y Melilla. En casu de tener llugar esta votación, estremando por partidos, los más favoratibles a votar un “si” a la monarquía son los votantes de VOX, C’s y PP, pero nun dexa de resultar llamativo qu’un 32,4% de los votantes del PSOE se declaren monárquicos. Incluso pente un partíu tan teóricamente republicanu y antisistema comu UP alcontramos un 3’5% favoratibles al rei. Pel otru lláu, nos partíos más conservadores dase la mesma paradoxa, con un 7’9%, 8% y 18’5% de votantes de VOX, PP y C’s que votaríen a favor de la República (española).

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies