• Portada
  • >
  • Muyer
  • >
  • Diez vecinos salvaron en Marzu a 10 muyeres en situación de maltratu llamando al 016

Diez vecinos salvaron en Marzu a 10 muyeres en situación de maltratu llamando al 016

  • 5 Maio, 2020

637 asturianes recibieron un teléfonu especial de proteición telemática; 1.419 tienen atención continuao dientro’l  Sistema Integral de Seguimientu de situaciones de Violencia de Xéneru, (VioGen); 385 viven con menores

L’aisllamientu forciáu y la facilidá cola que se pueden esconder los daños demientres el confinamientu fexo esperar dende un entamu l’incrementu de les agresiones a muyeres por parte de los mesmos homes colos que se ven forciaes a convivir. Tamién impliquen una mayor dificultá a la hora de llamar pidiendo ausiliu. Poro, la implicación de los vecinos ye imprescindible pa deteutar casos de maltratu y dar avisu.

Eso ye lo que fexeron diez vecinos concenxaos que llamaron alvirtiendo de la situación que vivíen otres tantes muyeres. Les voces, los golpes o los renegrones vistos a traviés de la ventana foron les pistes que llevaron a estos heroes anónimos a siguir les recomendaciones de la campaña  ‘¿Ye violentu? Llama tú por ella’ y avisar con una llamada al teléfonu 016. Tamién se recibieron llamaes nel 112. Ello implica un xorrecimientu del 67% con respeutu a denuncies de persones ayenes a la familia nel mesmu mes del 2019.

Al mesmu tiempu, les llamaes por parte de les víctimes cayeron nun 13% y les de familiares un 10%, por mor de la dificultá de les primeres pa llamar tando na mesma casa que l’agresor y nel casu de les families por nun esistir contautu direutu cola agredía.

Demientres el confinamientu un total de 637 muyeres cuenten con un teléfonu especial que s’activa con calcar un botón y col que, en casu d’agresión, alerten direutamente a les fuercies de seguridá. Un total de 1.419 tienen el so casu activu dientro’l VioGen, de les que 85 tan menaciaes por agresores con “alta lletalidá”. 385 de les muyeres consideraes en situación de riesgu conviven con menores a cargu.

El control qu’exerce un agresor na so víctima -seya esta muyer, home o menor- y la pavura que-y xenera, dientro y fuera del confinamientu, fae abegoso qu’esta seya quien denuncie. Poro, la collaboración de los testigos p’aparar situaciones de violencia nel llar ye imprescindible, tantu agora comu cuando se torne a salir a les cais.

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies