#ConsumiAsturiano ye la nuea campaña d’Andecha Astur pa defender a los produtores d’Asturies

  • 4 Maio, 2020

Ante la cris económica qu’acompanga a la sanitaria y con un puntu de partía ya de por sí críticu, comu ye’l casu de munchos negocios asturianos, la economía llocal y los piqueños productores pelligren más que nunca. Andecha Astur apurre delles idegues que, puestes en marcha, mitigaríen l’impautu d’esta cris, pudiendo llevar incluso a un escenariu meyor que’l previu

Agricultura, ganadería, pesca, quesería, llagares, pequeña industria agroallimentario, chigres, creación, artesanía, música, arte… son toos seutores a los qu’esta cris va dexa ateyavana. Correspuende a los asturianos ser coscientes d’ello y minimizar el consumu en grandes cadenes ya multinacionales, mercando nel piqueñu comerciu y fixándose nel orixen a la hora mercar pa escoyer los productos del país, pero eso nun ye abondo pa dar el saltu que fai falta. 

Andecha propón un programa d’aiciones concretes qu’afale’l consumu de productos del país, de manera que meyorara l’emplegu y la economía llocal, garantizando’l futuru los pequeños productores  y fixando población rural, daqué necesario pa equilibrar territorialmente les esnales d’Asturies col ária central. El consumu de productos d’orixen cercanu, remembren, amenorga amás l’impautu mediuambiental, retayando’l gastu n’enerxía y tresporte y abaratando los costes al minimizar la caena intermediaria.

Una de les propuestes más novedoses incluyíes nel so plan d’actuación ye la creación d’una sociedá mercantil pública, con plataforma dixital pal comerciu direutu de productos asturiano,. na que consumidores finales ya intermediarios pudieren mercar on line a los productores, garantizando orixen, amenorgando costes que permitieren un meyor preciu pal consumidor y un mayor porcentaxe pal productor. Esa sociedá afalaría amás un alcuerdu colos tresportistes.

Llamen tamién a redefinir la política agroalimentario del “Principado” colos criterios más xustos y caltenibles del movimientu popular pola soberanía allimentario, incluyendo aides publiques pa los seutores productivos propios y prioridá pa los productos asturianos nes grandes superficies comerciales.

Esta campaña ta nes redes colos hastags #consumiasturiano y #FuturupAsturies.

Nuria Prendes

 

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies