• Portada
  • >
  • Conceyos
  • >
  • #PorRambal, la campaña que pidi poner el so nome a nueu cientru cultural de Cimavilla

#PorRambal, la campaña que pidi poner el so nome a nueu cientru cultural de Cimavilla

  • 30 Abril, 2020

“A Rambal queríalu tol mundu, menos quien lu mató” dixeron los vecinos de Cimavilla cuando, va 45 años, mataron a Alberto Alonso Blanco “Rambal” y na memoria d’esi barriu siguen queriéndolu. Poro, proponen que’l nueu cientru cultural que s’allugará nel antiguu edificiu de Tabacalera, en frente d’onde vivió Rambal, lleve’l so nome

L’aniciativa ciudadana propón el nome de Rambal pal nueu cientru cultural de Cimavilla, barriu onde nació y morrió esti presonaxe tan emblemáticu, que tuvo’l valor de vivir siendo quien yera nuna dómina na que taba castigao. “En Cimavilla taba permitío lo que nun lo taba en denguna otra parte” dizse del barriu playu, y ello foi lo que permitió a Rambal vivir comu homosesual declaráu en plena dictadura española. Pel día echaba un gabitu a les prostitutes nos sos recaos y ayudaba nel llavaeru, peles nueches actuaba travestíu nos llocales de la zona. Tenía’l vezu de decir “¡Ai, si yo falara”, refiriéndose a la xente bien que vivía en Cimavilla la so duple moral, y ye posible qu’eses pallabres, xunto cola naturalidá y arguyu col que vivía la so homosesualidá, foren l’antesala de la so conderga de muerte. Pero nunca faló ya’l so crime nun foi esclariáu enxamás; tampoco hebio intención d’esclarialu nin entós nin agora, de xuro’l crime chiscaría a la élite facista bien protexío.

 

Agora la ciodá de Xixón busca la forma de caltener viva la so hestoria y proponen pa ello dar el so nome al que s’espera llegue a ser un emportante núcleu de cultura na ciodá, el que s’allugará na Antigua Fábrica de Tabacos. L’edificiu, en procesu de restauración, preside la Plaza del Llavaeru, onde vivió, canció y espardió la so allegría Rambal. Pa sofitar esta iniciativa ta moviéndose peles redes la campaña #PorRambal, qu’afala a roblar la pidición al conceyu pa que’l “Cientru Cultural Alberto Rambal” seya una realidá.


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies