El profesor de Ciencies polítiques y académicu de la llingua ye’l direutor del Euskobarómetru y precisa d’esi nomamientu pa continuar cola so actividá docente
L’Academia de la Llingua Asturiana vien de reclamar a la Universidá del País Vascu (UPV) que recapacite y nome catedráticu eméritu al profesor Francisco Llera Ramo, natural de Caravia y afincáu nel Pais Vascu por motivos llaborales. L’académicu cumpió los 70 años y precisa del título d’eméritu pa continuar, comu ye la so voluntá, col so trabayu na universidá.
La UPV refugó de man esti nomamientu pesi a cuntar col sofitu de la Xunta de la so Facultá, al posicionase en contra los miembros del so propiu departamento. Pente los méritos de Llera Ramo resalta’l so llabor na ellaboración de les macroencuestes sociollingüístiques d’Asturies, indispensables pa visualizar l’algame rial de la nuesa llingua pente la población asturiana. L’Academia de la Llingua considera el so reconocimiento una cuestiónde “xusticia” y pidi al Rectoráu de la Universidá del País Vascu «que recapacite nel so determín y faiga xusticia académica a una persona del valir y compromisu del profesor Llera Ramo».
Redaición InfoAsturies
This work is licensed under a Creative Commons Attribution 4.0 International License.
