Castru Cuaña: quince años d’escaezu

  • 28 Abril, 2020
La titularidá del castru más conocíu del país, y poro la responsabilidá del so abandonu, correspuende a la Conseyería de Cultura, Política Llingüística y Turismu 
Nos caberos quince años les promeses d’inversión pal remozamientu ya’l caltenimientu d’un de los resclavos más emportantes de la dómina castreña n’Asturies siguen ensin cumplise. 300.000 euros, un millón… les cifres coles que se trabayó nestos años facíen albidrar una “intervención integral” de gran algame qu’asegurare la pervivencia d’esti castru -siempre cuandu nun se planificaren xabazaes turistico urbanístiques  de la triba de les planeaes nel Chao Samartín-.
Sicasí, nun pasaron de ser promeses y l’asentamientu va deteriorándose ensin que se pongan medios pa torgalo, llendándose la inversión nel mesmu al caltenimientu más básicu.
Amás, los paneles informativos que s’alcuentren nel mesmu y que nun se camudaron dende la so naguración nel 1993 son incorrechos, indicando que’l so orixe foi prósimu a la ocupación romana, cuando investigaciones más recientes amuesen la so ocupación dende anantes del sieglu V a.C. Estos paneles son l’únicu recursu didáuticu del castru, polo que la reciella qu’acude al mesmu pa deprender sobre’l so pasáu recibe información enquivocao y a traviés de medios obsoletos dafechu.
El desdexamientu’l padremoñu asturianu que ye patente’n tolos resclavos hestóricos del país faese más acusáu cuando se trata del nuesu pasáu celta, de la monarquía asturiana o de la resistencia frente al facismu español: nun hai interés por caltener con vida los momentos cumes de la nuesa hestoria.
Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies