• Portada
  • >
  • Asturies
  • >
  • La Revista LA SIDRA da-y puxu al consumu de sidre’n casa

La Revista LA SIDRA da-y puxu al consumu de sidre’n casa

  • 24 Abril, 2020

LA SIDRA, una revista especializada en tolo venceyao cola sidre y la cultura que l’arrodia, faltó a la so cita mensual por primer vegada en 16 años por mor del andanciu, pero sigui faciendo la so llabor d’espardimientu y dinamización del mundiu sidreru al traviés de la so páxina web

L’esmolecimientu pol futuru del seutor sidreru, tanto no que cinca a chigres comu a llagares, ye xeneralizáu n’Asturies, darréu que’l consumu mayoritariu de sidre dase nos chigres ya en romeries, grandes eventos y fiestes de práu, tou ello paralizao indefinidamente por mor del andanciu.

Considerando que l’únicu consumu permitíu anguañu ye’l que se produz en casa, Juanjo Alonso, collaboraor de LA SIDRA, afala a tolos asturianos a demostrar esi amor a la sidre del que tantu presumimos y consumir sidre nel llar, non solo pal so esfrute y aguantar meyor el confinamientu, sinon tamién pa echa-yos un gabitu a los llagares, encontu de la cultura sidrera asturiana. “Tenemos una gran oportunidá de demostrar al mundu enteru que la nuesa bebida, por razones culturales, xeográfiques y sociales ye la sidre y que la cultura sidrera ye un Padremoñu Cultural Inmaterial de la Humanidá, comu queríemos que se reconociere. Si amosamos que los asturianos nos xunimos pa defender daqué tan nueso, la nominación por parte de la Unesco vendrá sola, ante la evidencia de tala fuercia y xunión qu’exerce esti productu sobre la población. Ta nes nueses manes” 

Afala amás a continuar colos munchos retos sidreros que se mueven peles redes, colos que se ta dando visibilidá al consumu de sidre, y a mercalo non solo en supermercaos, sinón en piqueños comercios -pa sofitar a la xente del barriu- y direutamente a los llagares que reparten en domiciliu, pa que’l beneficiu aporte a toos ellos y non solo a los que venden en grandes cientros.  Nesi sen, la web de LA SIDRA espubliza un llistáu con una veintena llarga de llagares cola forma de contautu pa pidíos. 

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies