• Portada
  • >
  • Asturies
  • >
  • Non, la Sanidá asturiana nun “encaria la cris dende una importante inversión”

Non, la Sanidá asturiana nun “encaria la cris dende una importante inversión”

  • 21 Abril, 2020

Andecha Astur vien denunciando la precaria situación de la sanidá pública asturiana dende anantes del andanciu y apurre una cronoloxía con datos qu’avalen la falsedá de les declaraciones de Barbón

El partíu nacionaliegu acusa’l presidente del “Principado” de remanar al so favor dellos datos estadísticos al tiempu qu’escuende la información negativo. Los problemes de la Sanidá asturiana yeren perfechamente conocíos dende anantes d’esta cris: llistes d’espera interminables, perda de calidá asistencial, falta de profesionales, desatención mélica, falta de medios… cuestiones que la población asturiana lleva años careciendo y denunciando y que llevaren a Andecha Astur a entamar en Xineru la so campaña en defensa d’una Sanidá Pública Asturiana de calidá y con recursos.

“Ye falso que la sanidá público seya pal PSOE n’Asturies una prioridá político, y ye que, lo mesmo qu’el PP o’l PSOE a nivel estatal, coinciden n’aplicación de polítiques lliberales” denuncien nel so comunicáu, nel que acusen a Barbón de manipulación y recueyen una llarga riestra de datos que sofiten esta declaración.

Remembren, pente munchos otres cifres, el retayu de 30 millones d’euros aplicáu a la Conseyería de Sanidá nel 2010, “l’aforru” n’aguyes pa insulina qu’obligó a los enfermos de diabetes a poner 400 € añales del so bolsu, de magar el 2016, l’espoxigue del 0’7% añal del gastu sanitariu destináu a conciertos cola sanidá privao, que representa ya’l 64% de los hospitales asturianos, y que se traducen en 675 millones d’euros namás nel 2016.

Nel 2019 el SESPA reconoció públicamente que la falta mélicos n’Asturies yera enforma grave, polo que se vio obligáu a tomar midíes esceicionales pa garantizar l’atención sanitario en tol país, sobro too nes sos fasteres ocidental y oriental, a les que calificaron de  “fasteres sanitaries de difícil cobertura, ensin profesionales de la sanidá”. Nel mesmu añu, el pasáu, diéronse cites d’atención primario a un mes vista, por problemes de xestión del presonal y tantu cientros de salú comu hospitales caltuvieron les sos consultes presllaes (fasta un 25% en branu), sigún l’alministración, por falta de profesionales, al mesmu tiempu que foron 400 mélicos asturianos los que emigraron al estáu español a la gueta trabayu en 10 años.

Amás de nos retayos presupuestarios, critiquen la falta de tresparencia y eficacia coles que s’aplicaron esos presupuestos, aludiendo a la sentencia nel casu Riopedre-PSOE y al informe de 2019 de la Sindicatura Cuentes, que recueye la illegalidá del sistema de merques del SESPA  y denuncia la presentación d’información  “non fiatible” por parte d’esti organismu, delitos que tan presentaos ante  la Fiscalía Superior del “Principado”, por pidíu d’Andecha Astur.

Sicasí, Barbón continúa nel so papel de show man televisivu  col que defende una realidá paralela mui allonxada de la que viven los enfermos asturianos, “Por eso nun quier falar de garantizar que la salú nun ye un negociu, de planificar la plantía sanitario, d’ameyorar el tratu al presonal, de dar estabilidá llaboral, de reconocer meyores retributives y sociales, de definir les places de difícil cobertura, de desaniciar les llistes d’espera, del control públicu de los recursos farmacéuticos y de los sos precios, del entamu d’una industria farmacolóxica pública asturiana, de multiplicar les places de melecina, los puestos hospitalarios de formación MIR, de regular les convocatories d’emplegu públicu na sanidá, d’aumentar el presupuestu sanitariu, d’ameyorar la inversión n’investigación sanitario y teunolóxico… Non, de la política sanitario p’algamar una Sanidá Pública Asturiana de calidá y con recursos, d’eso Barbón y el PSOE nun quien falar”.

No que cinca’n concretu a la xestión del andanciu, critiquen l’aplicación n’Asturies de midíes sanitaries dependientes de la situación sanitario en Madrid, inapropiaes pa la nuesa xeografía y distribución de población y desproporcionaes pa la incidencia del mesmu n’Asturies.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies