• Portada
  • >
  • Economía
  • >
  • El campu asturianu pidi a la población que consuman productos del país

El campu asturianu pidi a la población que consuman productos del país

  • 8 Abril, 2020

Agricultores y ganaeros continúen col so llabor, pero necesiten del sofitu de la población pa poder caltener en pie les sos empreses, polo que piden que se controle l’orixe de los productos consumios y se prioricen los vinientes del campu asturianu

El seutor agroalimentariu ye un de los que nun dexaron de trabayar demientres l’andanciu, pero les sos ventes sí qu’amenorgaron abondo. La compra de productos foriatos por parte de les grandes superficies complica la llegada de la carne y verdures asturianos al consumidor final ya’l preslle de la hostelería déxalos ensin los sos principales veceros. Munches esplotaciones agrícoles y ganaeres d’Asturies dependen del piqueñu comerciu, la restauración ya’l turismu y n’actual situación los sos ingresos vense bultablemente amenorgaos.

Son abondos los agricultores que por falta de distribuición tan viéndose forciaos a destruyir parte de la so produción, entantu alcontramos a la venta hortalices veníes de Francia, España y Portugal, pente otros. Arriendes d’ello, la baxada de precios por mor del escesu d’ufierta deriváu de la llegada masiva de productos d’otros países compliquen más entá el caltenimientu d’unos ingresos mínimos.

El queseru ye una de les estayes productives más perxudicaes, viéndose munchos productores forciaos a abandonar la so produción temporalmente pa poder caltener al ganao. Pero si hai un seutor agroalimentariu direutamente afeutau pol preslle ye’l sidreru; por muncho sidre que se beba en casa, les cifres de consumu -especialmente nestes feches d’espicha- baxen en picáu. Les carnes tamién baxaron abondo les sos ventes, en bona parte pola presión de les importaciones, pero tamién porque se rexistra un importante amenorgamientu del consumu de carne roxo.

Por tou ello pidin a la población qu’a la hora de comprar pongan especial atención al orixen y s’enfoten en consumir productos asturianos comu un actu de solidaridá y caltenimientu mutuu que, a la llarga, contribuyirá a fixar la población nel país y a afitar la necesaria soberanía alimentaria.

Llucía F. Marqués

This work is licensed under a Creative Commons Attribution 4.0 International License.

2 Comments Already

  1. La verdad ke hay razon asturias deveria dw vivir y comprar carne asturiana no inportade de francia ni portugal hay muche gente trabajando en el campo y viviriamos bien y abria alimentos de todas clase de carnes pero el gobierno es un poco egoista kiere importar para ganar dinero lo ke a ki es mucho mas bueno y sabe mucho mejor ke lo de fuera a ki el ganado se engorda a vase de verde erba y algo de pienso natural no como lo ke se come importado ke es todo a base de pienso y kimicos para engordar la carne a ki en asturias se mata en matadero y es cane sin kimicos y ostias mas natural la cebollas unas cebollas buenas lechugas tomates etc no hay por ke importar nada aki en asturias se alimentaria mucho mejor con lo de asturias es mas vendria la gente de fuera a comprar productos asturianos por ke es mejor calidad yo lo vea asi a ver si el gobierno lo ve tambien

  2. GOSTARIA DE TER A REPRESENTAÇÂO DESTES VOSSOS PRODUTOA PARA PORTUGAL,ANGOLA.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies