• Portada
  • >
  • Mundiu
  • >
  • Agora Repúbliques propón a la Xunión europea midíes pa enfrentar los efeutos sociales y económicos de l’andanciu

Agora Repúbliques propón a la Xunión europea midíes pa enfrentar los efeutos sociales y económicos de l’andanciu

  • 8 Abril, 2020

El documentu presentáu inclui propuestes que prioricen la salú de la ciudadanía, la implantanción d’una renta vital europea y l’aumentu del fondu destináu a trabayaores afeutaos, al tiempu que denuncia la militarización innecesaria de dellos países, España incluyía, y resalta la necesidá d’actuar ante la situación de desamparu de los refuxaos

La coallición Agora Repúbliques, de la que forma parte Andecha Astur, pide a la Comisión Europea la puesta en marcha darréu d’una riestra de midíes p’abordar la cris del Coronavirus dende un puntu vista européu afitáu na universalidá y la solidaridá.

Consideren necesario el tratamientu xunitariu de la cris, plantegáu de magar datos concretos y fiables a nivel européu, entamando pol preslle paneuropéu de la produición y la rialización de tests masivos a la población, minimizando asina’l tiempu de confinamientu y torgando l’espoxigue de  la competencia deslleal y oportunista.

Nel ámbetu social Agora Repúbliques reclama una renta mínima europea frente a los previsibles problemes d’emplegu y l’aumentu del fondu d’estabilidá pa los trabayaores. Pa ello sedría necesario una reforma de la política fiscal pa recaldar recursos de les grandes riqueces qu’afite una vraera redistribución de la riqueza, concenxándose de la importancia d’’invertir en servicios públicos y de protexer los seutores estratéxicos de produición.

Asina mesmo, Agora Repúbliques anuncia que siguirá de cerca la situación de confinamientu, y los intentos de restrición de llibertaes que tan dándose, como nel casu d’Hungría, Eslovenia y l’Estáu español, onde tan dándose pasos importantes na militarización.

A la fin, otru aspeutu que quinxo destacar Agora Repúbliques ye la situación de les presones refuxaes. Los campamentos onde malviven nes islles griegues tienen de ser evacuaos, afitando’l sofitu de tolos Estaos miembros, darréu que yá apaecieren los primeros casos, y la cuarentena ye imposible nestos campamentos.

 

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies