Educastur TV entama güei la so programación educativa qu’inclui clases n’asturianu

  • 3 Abril, 2020

Güei emitióse’l primer programa educativu del confinamientu diseñáu a costafecha pa la mocedá y reciella asturianos, incluyendo clases d’asturianu

De magar la suspensión de les clases por mor del confinamientu impuestu pol coronavirus, la reciella pudo continuar recibiendo materia lleutiva al traviés de la televisión pública, col programa “Aprende en casa”. Sicasí, esti ye un programa d’ámbetu estatal nel que nin la cultura nin la llingua asturianos taben representaos, siendo ello que s’emitieron dende elli graves erros relativos a la nuesa llingua.

Dende güei, el Gobiernu d’Asturies y TPA, podrán ver tamién el programa educativu Educastur TV qu’ufrirá a los escolinos contenios n’asturianu y n’español mientres la suspensión de l’actividá lleutiva presencial pol estáu d’alarma.  Nel proyeutu participen un total de 20 docentes asturianos de les estremaes etapes educatives y dientro d’esa programación, que va emitise n’A7 de 10:30 a 11:30 y n’A8, una hora más tardi, de 11:30 A 12:30 de la mañana, habrá un espaciu reserváu pa les clases de llingua y cultura asturianes.

Inaciu Galán, profesor de Llingua Asturiana y Lliteratura nel IES El Piles de Xixón, con amplia esperiencia nel mundiu televisivu y la música Anabel Santiago,  van ser quienes ponga les clases d’asturianu. Na primer emisión esta mañana, Inaciu Galán aprofitó pa facer un repasu a les llingües vives de la Península, iguando asina les incoreiciones emities pola televisión española.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies