XEGA da puxu al so trabayu nes redes

  • 27 Marzu, 2020

XEGA, Coleutivu LGTBI d’Asturies, intensifica mientres el periodu de cuarentena y distanciamientu social debíu al COVID19 la so presencia en redes sociales con nueves actividaes de sofitu y espardimientu al colectivu LGTBI. El llunes 30 ta programada la so segunda emisión en direutu al traviés de Instagram y l’atención al coleutivu LGTBI al traviés de medios telemáticos (teléfonu, corréu lleutrónicu, whatsapp y redes sociales)furrula a plenu rendimientu

Un de los enfotos de XEGA ye l’atención al coleutivu LGTBI d’Asturies, resolviendo duldes, atendiendo denuncies y ufiertando asesoramientu. D’avezul esisten múltiples canales de comunicación qu’en condiciones normales incluyiríen l’atención presencial; sicasí na situación actual el voluntariáu de XEGA ta siendo especialmente activu en redes sociales de forma que nenguna persona quede desoyida.

En pallabres de Yosune Álvarez Barragán, coordinadora de XEGA: “Dende XEGA constatemos un aumentu de consultes relatives al coleutivu LGTBI que van dende l’interés poles nueses actividaes, por llibros y películes o inclusive duldes sobro terminoloxía, orientación sesual o procesos identitarios”.

Esti aumentu de les consultes y contautos al traviés de redes sociales dexó dar el saltu nel senu de la organización y probar con emisiones en direutu al traviés de les mesmes. Nestes emisiones respuenden entrugues sobro ensame de temes rellacionaes col movimientu LGTBI.

La primera d’estes emisiones tuvo llugar el pasáu llunes 23 de marzu y la siguiente ta programada pal llunes 30 a les 12:00 hores al traviés del perfil de Instagram de XEGA que ye xega.ast

“Tamos bien ilusionaos con esta iniciativa, la verdá ye que nun sabíemos como diba fuar pero’l diálogu en directu foi bien positivu y por eso vamos siguir” diz Yosune Álvarez Barragán, coordinadora de XEGA.

Redaición InfoAsturies

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies