El Rei d’España tómanos el pelo

  • 17 Marzo, 2020

El Códigu Civil torga renunciar a una herencia ensin muerte previa, o renunciar namás a una parte, polo que les declaraciones de Felipe VI nun pasen de ser un actu nulu col que intenta engañar a la población

El desprestixu de la casa real española na cabera década desarmó ya dafechu la imaxe del Campechanu, el “gran hacedor de la democracia española, padre de la Transición, héroe del 23F”, agora conociu poles sos presuntes corrupteles, evasiones fiscales, marafundios de fondos públicos y tamién presuntu xefe de la mafia nel serviciu d’intelixencia de España, añadiendo siempres el presuntu gracies a que los grandes poderes españoles nun permiten xulgalu. El so fíu va detrás, nun cae la mazana lloñe del árbol y la marca Borbón tien muncha hestoria, pero nun desisten nos sos intentos de llavar la so imaxe, comu’l protagonizáu por Felipe VI estos díes:

Ante la información espublizada nos periódicos The Telegraph y Vozpópuli  nos que’l monarca y les sos fies figuren comu beneficiarios de dos fundaciones investigaes en Suiza nuna causa por presuntos delitos de blanquéu de capitales,  el Rei d’España anuncia qu’echa al so pa “por corrución” y qu’elli renuncia a la so herencia paterna. En realidá esti ye un actu nulu, ensin conteníu llegal, sigún informen llegalistes de tol reinu.

El Códigu Civil español recueye nel so artículu 991 que nun se puede renunciar a una herencia d’una persona non muerta y nel 990 que nun ye posible renunciar namás a una parte d’ella. Cómu tamos ciertos de que de la corona nun va renunciar, tariemos nun casu de renuncia parcial, y como l’eméritu temémonos que siga vivu, tampocu sedría viable. Amás, en casu ser llegal la so renuncia, la llei nun-y permite renunciar a les llexítimes de toles sos fies.

Toa esta información ta ensin dubia en manes del monarca, polo que persablia que la so renuncia ye un actu baleru, una imaxen pa la galería y poro, una tomadura de pelo.

Nel casu investigáu en Suiza atópense documentos que declaren comu beneficiarios de les fundaciones denunciaes non solo al Rei d’España sinón a la princesa y a la infanta, asina comu a les hermanes del monarca, estipulando que’n casu de muerte de Felipe de Borbón y Grecia «la fortuna de la fundación deberá ser atribuyía a los herederos llegales nacios o que nacieren d’una xunión llegal».

Tou atao y bien atao.

Llucía F. Marqués

180 años de historia de los Borbones

Un poco de historia sobre los Borbones nunca viene mal.

Publiée par Spanish Revolution Video sur Vendredi 13 juillet 2018

 

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies