Asturies: 399 autónomos menos nun mes

  • 2 Marzo, 2020
El mayor descensu débese a preslles de pymes y comercios na fastera rural

Depués de los duros datos colos que presllaba l’anterior exerciciu, con 1.051 autónomos menos, creíase que’l 2019 sedría un de los piores años pa los trabayaores por cuenta propia. Sicasí, el 2020 entamó con puxu, faltando namás un autónomu pa redondear a 400 la cifra, más d’un terciu de los perdios en tol añu anterior.

El comerciu y les esplotaciones agrícoles ganaeres lleven la pior parte, siendo los conceyos más separtaos de la nomada “Ária Metropolitana” ya’l mediu rural en xeneral los más afeutaos. Dase asina una vuelta más al círculu viciosu nel que lleva décades ensiertá Asturies, a menos población, menor movimientu económicu, preslle d’empreses, pérda de trabayu y de servicios que lleva a la población a desplazase a otros llugares, vaciando los pueblos y tornando al puntu de partía.

Tanto nos datos del añu pasáu comu nos del entamu d’esti destaca l’espoxigue de la proporción d’autonomos emplegadores que se dieron de baxa, lo qu’implica que’l so cese acarretó con ello la pérdida d’emplegu de los trabayaores que tuvieren contrataos.

Nuria Prendes

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies