Los MIN inclúin categoríes al meyor discu en gallegu, catalán y vascu, pero non n’asturianu
L’Axitaor Folclóricu, comu él s’autonoma, ya’l so equipu, tán nominaos a un total d’ocho categoríes: Álbum del añu con “Manual de Cortexu”, que tamién ta nomináu comu Meyor Álbum de Músiques del Mundu y Fusión, Artista Emerxente, Cantar del Añu con ‘El día que nací yo’, Meyor Producción Musical ( Raül Refree), meyor diseño gráficu ( Ricardo Villoria), meyor vidiuclip (Nuberu Bagu: Jorge Coloraes, Madalena Orellana, Rigel Pomares Voi Amar y Víctor Villavicencio) y meyor direutu (“Trópicu de Cuadonga”).D’esistir la categoría que reconoza la música n’asturianu tendría ensin dulda una novena nominación, pero los Premios de la Música Independiente nun cunten enagora con ella.
Entamaos dende 2009 pola Unión Fonográfica Independiente, los Premios MIN reconocen la creación, la diversidá y la calidá artística de les producciones independientes esublizaes nel estáu español. Los galardones apurriránse’l 11 de marzu nel Teatru Circu Price de Madrí.
Redaición InfoAsturies
This work is licensed under a Creative Commons Attribution 4.0 International License.
