148.000 asturianos tienen mui difícil salir de la so situación de probitú

  • 27 Febreru, 2020

La cifra de persones n’esclusión social o probitú severa n’Asturies caltiense alrodiu’l 15% de la población los caberos años

La esclusión social ye la falta de participación de segmentos de la población na vida económica, social y cultural de les sos respeutives comunidaes por mor de falta de drechos, recursos y capacidaes básiques (acesu a la llegalidá, al mercáu llaboral, a la educación, a les teunoloxíes de la información, a la salú y proteción social), xenerando situaciones de probitú, desigualdá, marxinación y vulnerabilidá de les que ye perdificil salir, xenerándose un círculu viciosu nel que la falta d’acesu a unos medios básicos, comu hixene, vivienda o formación, torguen l’acesu a otros, comu trabayu o aides sociales, lo que perpetúa la situación

N’Asturies, 148.000 persones viven nestes condiciones, 63.000 d’elles en gráu severu, ello ye, en riesgu por falta de medios básicos de sosistencia. La esclusión más xeneralizada ye la de falta d’agospiu, sumando más de 36.000 families ensin una vivienda afayaiza. La esclusión del acesu al mercáu llaboral algama al 21% de los asturianos, que poles sos carauterístiques y situación nun tienen dala oportunidá de ser contrataos, nin siquier precariamente.
Son los datos del caberu informe Foessa sobro esclusión y desendolcu social n’Asturies, presentáu esta selmana, que tamién recueye un xorrecimientu de la fienda salarial pente los que meyor viven y los que tan en piores condiciones.
Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies