• Portada
  • >
  • Esportes
  • >
  • Convocaes les prebes d’acesu del Programa de Teunificación d’Esquí de Montaña

Convocaes les prebes d’acesu del Programa de Teunificación d’Esquí de Montaña

  • 26 Febreiro, 2020

El prósimu 22 de marzu van tener llugar los test d’escoyeta de los integrantes del Programa de Teunificación d’Esquí de Montaña d’Asturies (PTEMA) al envís de participar nes actividaes que van realizar na temporada 2020-21

La idega de crear un Programa de Tecnificación d’Esquí de Montaña n’Asturies surde de la necesidá de cubrir un vacíu esistente nesta disciplina esportiva coles categoríes cadete, xuvenil, junior (de 15 a 20 años), y dende la temporada pasada tamién deportistes de la categoría reciella (13 y 14 años).

El programa inclúi entrenamientos y concentraciones quincenales nes que se va desendolcar trabayu físicu y téunicu, asesoramientu esportivu y charres formatives en diverses materies, entrenamientos pautaos en función d’oxetivos personalizaos per parte l’equipu téunicu, equipación esportiva oficial de la Federación en casu de nun disponer d’ella, participación nel alcuentru intercentros de teunificación FEDME, participación nos estremaos campeonatos de FEDME, en función de la categoría, la especialidá y los criterios téunicos y asistencia a competiciones del circuitu FEDME.

Los sos oxetivos son promocionar la práctica del esquí de montaña de competición pente la mocedá, captando nuevos esportistes que dean continuidá al proyeutu y ameyorando la so formación téunica, táutica, les nociones de seguridá y les habilidaes necesaries pa prauticar l’esquí de montaña de competición.

Más al llargu plazu esperen consiguir con esti programa esportistes con una elevada preparación pa representar a Asturies nes competiciones d’esquí de montaña, sofitando a los esportistes más destacaos na so evolución y participación en concentraciones y competiciones.

Pa poder participar nes pruebes ye necesario tener ente 12 y 20 años nel añu 2021, tar en posesión de la llicencia federativa del añu en cursu, tener esperiencia en dalguna modalidá d’esquí o montañismu -axuntando un pequenu currículum al respeutu- y cubrir el formulariu de solicitú d’acesu anantes del 18 de marzu. Amás va solicitase un certificáu mélicu y, nel casu de los menores d’edá, una autorización de los sos tutores.

El númberu másimu d’esportistes pal programa de teunificación la prósima temporada va ser de 12, priorizando la categoría reciella y cadete por mor del marxe de progresión a nivel físicu, téunicu y táuticu que puen algamar.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies