• Portada
  • >
  • Economía
  • >
  • Asturies necesita una inversión urxente de 1.423 millones d’euros n’infracadarmes

Asturies necesita una inversión urxente de 1.423 millones d’euros n’infracadarmes

  • 17 Febreru, 2020

Un estudiu fechu pola Asociación d’inxenieros de Caminos, Canales y Puertos sobro les necesidaes del país determina que son precisos 471 millones d’Euros añales pa infracadarmes, de les que’l 70% diríen destinaos a carreteres y ferrocarriles

Los inxenieros ficieron un llamáu d’atención sobro l’estáu d’abandonu nel que s’alcuentren les infracadarmes asturianes y la urxente necesidá d’invertir nelles. Actualizar, iguar y caltener en bones condiciones les carreteres, puertos, ferrocarriles, aeropuertu, sistema d’abastecimientu y recoyida d’agua, tresporte públicu y xestión de residuos son los principales separtaos que sumen los 1413 millones d’euros que, repartios en diez años, tendríen d’invertise n’Asturies.

Si bien dalgunes son más urxentes qu’otres -les deficiencies de la rede de saneamientu, por exemplu, amás de los problemes de salubridá xeneren  más perdes por sanciones a la XE de lo que costaría iguales- los dos grandes separtaos que llevarien la mayor parte de les inversiones son les carreteres y los ferrocarriles, a los que sedría necesario dedicar 7 de cada 10 euros. Entantu nun s’afronten estes obres, que ya tienen el calificativu d’urxentes, les comunicaciones tantu interiores comu col esterior siguirán siendo un pilancu al desendolcu económicu y social asturianu.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies