• Portada
  • >
  • Conceyos
  • >
  • El TSXA desanicia la Ordenanza d’Usu d’asturianu de Mieres

El TSXA desanicia la Ordenanza d’Usu d’asturianu de Mieres

  • 12 Febreiro, 2020

La sentencia, frutu d’una denuncia del PP, remembra a casos anteriores, comu l’anulación de les ordenances de Noreña, y amuesa que mientres nun se consiga la Oficialidá cualisquier otra midía llegal ye valera

La ordenanza agora anulada aprobárase nel Plenu de Mieres del 22 de Marzu del 2018 y nella recoyíase que «la llingua asturiana ye, col castellán, la llingua empleada pol Conceyu de Mieres, l’Alministración Local y les corporaciones públiques que d’ella dependen», daqué que nun s’allonxa abondo de lo recoyío na Llei d’Usu sobro’l drechu a utilizar l’asturianu nes comunicaciones coles alministraciones públiques, pero qu’abultó “contrario al Estatutu y a la Costitución española” a los ediles del PP, que presentaron allegaciones a la so contra en Xunetu l’añu pasáu.

La Sala de lo Contencioso Alministrativo del Tribunal  Superior de Xusticia bien de dayos la razón, afitando qu’un Conceyu nun tien potestá pa regular l’usu d’una llingua non oficial como l’asturianu n’igualdá de condiciones col d’una oficial como’l castellán, polo que la ordenanza tien de ser anulada, ya que’l so cumplimientu “equivaldría a una declaración de oficialidad de facto”  nel conceyu. Amás de perder el drechu al llibre usu de la llingua, el TSXA impón al Conceyu les costes del recursu, un total de 1000 euros.

La Ordenanza de Mieres carecía tamién d’erros de forma, al non incluyir una valoración económica sobre lo qu’implicaría la so puesta en marcha nin los recursos aplicables a la mesma.

Redaición InfoAsturies

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies