El cientru social entamáu nel edificiu va nueve meses tenía comu prioridá lluchar contra la despoblación de la fastera, creando oportunidaes nel ámbetu rural
El Palaciu de Ronzón, un antigua casa señorial okupada en L.lena que perteneció a la familia de la nobleza Bernaldo de Quirós y que, al quedar ensin descendencia, pasó a ser propiedá del Conceyu L.lena “Pa que se faigan nelli actividaes educatives y ambientales que redunden nel campu, l’agricultura y ganadería de la zona”, llevaba diez años ensin ser utilizáu anantes de que’l coleutivu Escanda – el mesmu que tenía una concesión pal so usu que tuvo de dexar a medies poles reformes obligaes poles obres del AVE- decidiere, va nueve meses y tres de conversaciones asgaya colos miembros del ayuntamientu, que nun apurrieron permisos, reabrilu comu Cientru Social comunitariu, dende’l que se lluchaba por dinamizar el pueblu y frenar la despoblación de la fastera. Nesos nueve meses punxeren en marcha dellos proyeutos, güertes y una pumará.
El mes pasáu aportó de la casa conceyu -gobernada por IU- la orde de desagospiu, solicitando l’alcaldesa, Gemma Álvarez, la interv
ención de les fuercies del orde, una y bones nun foi posible la espulsión de los ocupantes del Palaciu nel primer intentu.
La segunda orde de desagospiu alcontró el Palaciu ocupau por decenes de persones qu’esperaben nel edificiu col envís de tornar otra vuelta la execución de la mesma; sicasí, nun se cuntaba cola estrema violencia utilizada polos axentes de la Guardia Civil, que, en proporción de dos contra ún, cargó contra la cadena humana que cortaba’l pasu al Palaciu nuna intervención a toes lluces desproporcionada, faciendo preciso l’atención mélica de dalgún de los participantes na resistencia y que se saldó con abondes identificaciones, retenciones y dos deteníes.
Ayeri mesmo na tardi y nuevamente esta mañana tuvieron llugar concentraciones desixendo la puesta en llibertá de les detenies.
Llucía F. Marqués
This work is licensed under a Creative Commons Attribution 4.0 International License.
