• Portada
  • >
  • Cultura
  • >
  • Jose Agustín Gurruchaga gana’l XIII Concursu de Semeyes LA SIDRA cola so obra “Manzana”

Jose Agustín Gurruchaga gana’l XIII Concursu de Semeyes LA SIDRA cola so obra “Manzana”

  • 5 Febreiro, 2020

El Concursu Semeyes LA SIDRA, nel qu’esti añu participaron 565 semeyes de 175 autores de 28 países, ye’l certame fotográficu más antiguu de los que tienen la bébora emblemático asturiano comu temática principal. Amás ye los pocos d’esti tipu de certames nel que nun se cobra a los fotógrafos por entrar a participar

Arturo Rodriguez

El prósimu sábadu 29 de Febreru a les 20:00 hores va tener llugar en La Galana de Xixón (Plaza Mayor, 10) la entrega de premios del XIII Concursu Semeyes LA SIDRA. El certame ta convocáu pola revista LA SIDRA, entamáu pola Asociación Asemeyando; y amás cunta col padrociniu del llagar JR y col sofitu de la citada sidrería.

Los miembros del xuráu, nos que recayó la difícil xera de decidir ente 565 semeyes d’escelente calidá, fueron la profesora del Cislan Verónica González Maganto; Carlos Suárez Alonso, vicepresidente de Asemeyando; y Luis José Vigil-Escalera, presidente de la federación Asturiana de Fotografía.

 

El primer premiu, dotáu con 700 euros y medaya d’oru, foi pa “Mazana”, semeya de José Agustín Gurruchaga Garagarza. El primer accésit, dotáu con 200 euros y medaya de plata de la CEF recayó n’Arturo Rodríguez Ortiz que participó con “Perfilando’l momentu” y el segundu accésit, consistente en 100 euros y medaya de bronce foi pa “Bruno y Llión” realizada por Carmen Pascual Soler. Finalmente, el premiu especial qu’otorga’l llagar JR foi, otru añu más, pal asturianu Óscar Chamorro Flórez y la so istantánea “Bodegón asturianu”, pola que recibió dos caxes de sidra d’esti llagar. En total participaron 565 imaxes de 175 autores provenientes de 28 países.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies