Acuto Xuegos prepara un xuegu de mesa pa toles edaes

  • 3 Febreiro, 2020

La empresa, ñacía va menos d’un añu y especializá en xuegos n’asturianu, tien ya una prestosa coleición d’ellos: dominó, xuegu de les pareyes y puzles temáticos. Con esti nueu proyeutu fadrá’l so primer xuegu pensáu pa los adultos

 “¿Cuála ye? El xuegu de preguntes d’Asturies” ye un xuegu de mesa de la mesma triba qu’otros mundialmente famosos, comu’l Trivial, el Preguntados o los Quiz temáticos, con tableru fiches y dau, pero que tendrá comu marcu Asturies. Les temátiques sedrán seies y al so traviés afondaráse na bayura hestórica, social, cultural, llingüística y natural de la nuestra tierra.
Pa la so realización cúntase con persones de muncho valir en distintos ámbetos que van facer que mos rompamos la tiesta pa demostrar cuantu sabemos del país; pero pa qu’esti xuegu seya una rialidá, hai falta collaborar cola campaña de recoyía de fondos que se fadrá na plataforma Verkami, onde podreis topar tola información y apuntavos pa siguir de cerca esti prestosu proyeutu.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies