Naide pon frenu al andaz del pinu radiata

  • 30 Xaneiro, 2020

La llamada “banda marrón” ye un fongu qu’avanza pel aire, acabando cola madera del pinu radiata, ensin que se conoza enagora cómu afeuta a otres especies. Nel 2018 confirmábase la presencia d’esti andaz en Taramundi, A Veiga y Castropol, anunciándose una cuarentena qu’enxamás se cumplió y que frenaría la so espansión

El pinu radiata resultó afeutáu pol biltu d’una enfermedá llamada Lecanosticta acicola, más conocía como “banda marrón”. Anguañu la incidencia d’esti fongu atraviesa Asturies, anque la superficie qu’ocupa’l pinu radiata en Asturies nun s’atopa actualizada, una y bones la planificación d’estos llantones foi inesistente.

Cuando se diagnosticó la enfermedá n’Asturies dende’l Serviciu de Sanidá Vexetal de la Conseyería de Mediu Rural pidieron que se fixera una estimación del total de superficie afeutada, pero nun se fixo, tal como comprobaron dende Alternativa Verde por Asturies EQUO, quienes consultaron pola cuestión na web del Ministeriu d’Agricultura, Ganadería y Pesca, onde se recueyen toles plagues y les llocalidaes por elles afectaes. Asturies nun sal nin siquiamente mentada, esto ye, a día de güei nun se conoz l’algame de la plaga, anque crucia Asturies de llau a llau, pesi a que la Conseyería tendría d’haber tomao midíes y declarao la cuarentena.

Esta dexadez nes sos funciones por parte la Conseyería prevocó que, per un llau, sigan sobencionándose llantaos de pinu radiata y, poro, favoreciendo o facilitando la espansión del fongu; y, pel otru, como nun se declaró la cuarentena, los propietarios de montes que tuvieron de ser baltaos pol mal estáu sanitariu nun pueden pidir ayudes, perdiendo amás les ayudes forestales europees coles midíes correspondientes a montes destruyíos por quemes y otres causes.

Por too ello, Alternativa Verde por Asturies EQUO, pidieron información al Ministeriu sobro les comunidaes nes que se comunicó formalmente al Ministeriu la esistencia de plaga per banda marrón, qué midíes se tomáron y si tien conocencia’l Ministeriu de que se produxeren solicitúes d’Ayuda Forestales europees correspondiente a “montes destruyíos por quemes y otres causes”.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies