Esmoleceor resume añal de contaminación n’Uviéu, 2019

  • 27 Xaneiro, 2020

Los datos oficiales, apurrios pol gobiernu del “Principado” na só páxina web sobre la contaminación atmosférica y calidá del aire nel añu 2019 costaten un espoxigue de los niveles de contaminación respeutu al añu anterior

El mayor volume de lluvies del añu pasáu fizo ensin dubia que la contaminación se dispersare más lluéu, amenorgando los niveles rexistraos en proporción a los emitios; sicasí, esta lluvia nun foi abonda comu pa llimpiar l’aire y los niveles foron permalos, piores que los ya altos del 2018.

Per un lláu, el bencenu -contaminante conocíu por ser favoratible al desendolcu de cáncanu- subió nes dos úniques estaciones que lu midíen l’añu pasáu, Trubia y Ventanielles. Na primera d’elles cuasi se duplicó la cantidá de bencenu rexistrada, con una media añal de 2,9 µg/m3, mui perriba de los 1,7 µg/m3 recomendaos pola OMS.  La Comisión Europea recomienda un valor  0 pa esti contaminante.

Pel otru, los ósidos d’azufre, SO2, la OMS recomienda nun trespasar un valor llende diariu de 20 µg/m3, , cifra que foi superada nes estaciones de Ventanielles, 19 díes, Olloniego, 14 díes, Plaza de Toros, 9 díes, Tudela Veguín, 9 díes, Naranco, 4 díes y Trubia, 2 díes.

Nel casu de les partícules de menos de 10 micres, les PM10, la OMS recomienda nun superar un valor llende’n media añal de 20 µg/m3 y un valor llende’n media diaria de 50 µg/m3. Sicasí, en 2019 Ventanielles rexistró una media añal de 22 µg/m3 y durante 12 díes superó la llende diariu de 50 µg/m3; en Naranco, Les Caldes, onde se rexistró una media añal de 24 µg/m3  y durante 4 díes superóse la llende diaria  de 50 µg/m3 , Olloniegu,  onde se rexistró una media añal de 21 µg/m3 y durante 2 díes superóse la llende diaria de 50 µg/m3 y Tudela Veguín, onde foron 11 los díes nos que se superó la llende diaria de 50 µg/m3

Pa finar, los datos de les partícules más piqueñes, les de menos de 2,5 micras,  PM2,5, son tamién superiores l’añu pasáu que l’anterior, medrando en la estación de Les Caldes, la  de Ventanielles, onde se superó en tres puntos la media añal permitida pola OMS y n’Olloniego, onde se superó durante 6 díes la llende diaria de riesgu.

La dispersión xeográfica y los horarios de los picos de contaminación nun faen albidrar que foren producios pol tráficu, sinón más bien poles emisiones procedentes de les industries averaes al conceyu, comu ye’l casu de la cementera de Veguín y Doy, en Trubia.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies